ماڭعىستاۋ وبلىسى، اقتاۋ قالالىق سوتىمەن سوتتالۋشى ت-عا قاتىستى قىلمىستىق ءىس قارالىپ اياقتالعان.

سوتتالۋشى ت. 18 ماۋسىم 2015 جىلى اقتاۋ قالاسى 5 شاعىن اۋدان 40 ءۇيدىڭ 31 پاتەرىندە بولا تۇرا،   قاساقانا، پايداقورلىق نيەتپەن بوتەننىڭ مۇلكىن جاسىرىن ۇرلاۋ ماقساتىندا، «سامسۋنگ ايپاد ەيپل» ماركالى پلانشەتتى جىمقىرعان.

ناتيجەسىندە قىلمىستىق ارەكەتىمەن جابىرلەنۋشى ك-گە 155 000 تەڭگەگە ماتەريالىق شىعىن كەلتىرگەن.

تاراپتاردىڭ بىتىمگەرشىلىككە كەلۋى ماڭعىستاۋ وبلىسىنىڭ كاسىبي مەدياتوردىڭ قاتىسۋىمەن جاساقتالىپ، سوت تالقىلاۋىندا جابىرلەنۋشى سوتتالۋشىمەن «ءوزارا تاتۋلاسۋ تۋرالى كەلىسىم شارتقا» وتىرعاندىعىن،  مەدياسيا تارتىبىمەن تاتۋلاسقانىن كورسەتىپ، سوتتالۋشىعا قوياتىن تالاپ تىلەگىنىڭ جوقتىعىن بىلدىرگەن.

 اقتاۋ قالالىق سوتىنىڭ قاۋلىسىمەن  قازاقستان رەسپۋبليكاسى قىلمىستىق كودەكسىنىڭ 188-بابىنىڭ  1-بولىگىندە كورسەتىلگەن قىلمىستىق ارەكەت جاساعان ت. مەدياسيا تارتىبىمەن جابىرلەنۋشىمەن تاتۋلاسۋىنا بايلانىستى قازاقستان رەسپۋبليكاسىنىڭ قىلمىستىق كودەكسىنىڭ 68-بابى 1-بولىگىنىڭ نەگىزىندە جاۋاپكەرشىلىكتەن بوساتىلىپ، ءىس ءوندىرىسى قىسقارتىلدى.

قاينار: 

اقتاۋ قالالىق سوتىنىڭ باسپا ءسوز قىزمەتى