اقتاۋ تەڭىز پورتى مەن قورعاس «قۇرعاق» پورتىنىڭ ينتەگراسياسىن «ەۋرازيالىق ترانسقۇرلىق ءدالىزى» جاھاندىق جوباسىنىڭ بولىگى دەپ اتاۋعا بولادى.
بۇل تۋرالى بۇگىن ونلاين-كونفەرەنسيا بارىسىندا «اقتاۋ حالىقارالىق تەڭىز ساۋدا پورتى» ۇلتتىق كومپانياسى» اق پرەزيدەنتى ميحايل يالباچيەۆ ءمالىم ەتتى.
«ينتەگراسيا ترانسكاسپييلىك حالىقارالىق كولىك مارشرۋتى اياسىندا جۇڭگو، ازەربايجان، گرۋزيا، تۇركيا پورت جۇمىسشىلارى، تەمىرجولشىلارى، كەمە يەلەرى، ەكسپەديتورلارىمەن ءوزارا ءىس-قيمىل بارىسىندا DP World كومپانياسىنىڭ جاھاندىق پورتتىق جانە تەرمينالدىق وپەراتورىنىڭ قاتىسۋىمەن «قازاقستان تەمىر جولى» ۇك اياسىندا جۇزەگە اسادى. وسى مارشرۋتتىڭ دامۋ ناتيجەسى قىتاي-قازاقستان-ازەربايجان-گرۋزيا-تۇركيا باعىتى بويىنشا سىناما كونتەينەرلىك پويىزدى ىسكە قوسۋ بولىپ تابىلادى. پويىز بۇگىن اقتاۋعا كەلەدى دەپ كۇتىلۋدە، - دەپ اتاپ ءوتتى م. يالباچيەۆ.
