اقتاۋ قالاسىنىڭ №2 سوتى ازامات ءب-نىڭ "جالعىزتوبەمۇناي" ەجشس-نە ەڭبەك شارتتى بۇزۋ تۋرالى بۇيرىعىن زاڭسىز دەپ تانۋ تۋرالى، شيپاجايلىق-كۋرورتتىق ەمدەۋ اقىسىن تولەۋدى مىندەتتەۋ تۋرالى تالاپ ارىزى بويىنشا ازاماتتىق ءىس قارادى.

تالاپكەر ءوز ارىزىندا جاۋاپكەردە گاز ەلەكتر دانەكەرلەۋشى رەتىندە ۆاحتا ادىسىمەن جۇمىس جاساپ ءجۇرىپ، وندىرىستىك جاراقات العاندىعىن كورسەتكەن. وندىرىستەگى جازىمدى وقيعا تۋرالى اكتكە جانە جازىمدى وقيعانى ارنايى تەرگەۋ اكتىنە سايكەس، جازىمدى وقيعانىڭ سەبەبى جۇمىس ءوندىرۋدى دۇرىس ۇيىمداستىرماۋ بولىپ انىقتالىپ، جۇمىس بەرۋشىنىڭ كىناسى 100% دەپ بەلگىلەنگەن. جالپى جۇمىسقا جارامدىلىقتى جوعالتۋ دەڭگەيى تۋرالى انىقتاماعا سايكەس، تالاپكەرگە مۇگەدەكتىلىكتىڭ ەكىنشى توبى تاعايىندالعان. جاۋاپكەر ونىمەن ەڭبەك شارتىن قازاقستان رەسپۋبليكاسى ەڭبەك كودەكسىنىڭ 223 بابى 2 تارماعىنىڭ (مۇگەدەكتەر ەڭبەگىن اۋىر جۇمىستاردا، زياندى (ەرەكشە زياندى)، ءقاۋىپتى ەڭبەك جاعدايلارى بار جۇمىستاردا پايدالانۋعا تىيىم سالىنادى) تالاپتارىنا سۇيەنە وتىرىپ، ەڭبەك كودەكسىنىڭ 54 بابى 1 تارماعى 4 تارماقشاسى نەگىزىندە بۇزعان.

سونىمەن قاتار، "قازاقستان رەسپۋبليكاسىندا مۇگەدەكتەردى الەۋمەتتىك قورعاۋ تۋرالى" ق ر زاڭىنىڭ 34-بابىنا سايكەس، جۇمىس بەرۋشiنiڭ كiءناسiنەن جۇمىستا مەرتiگۋگە ۇشىراعان جانە (نەمەسە) كاسiپتiك اۋرۋعا شالدىققان مۇگەدەكتەردi جۇمىسقا ورنالاستىرۋ ءۇشiن جۇمىس بەرۋشi كاسiپتiك وقىتۋدى نەمەسە قايتا وقىتۋدى، ارناۋلى جۇمىس ورىندارىن قۇرۋدى وسى زاڭعا سايكەس جەكە قاراجاتى ەسەبiنەن قامتاماسىز ەتەتىندiگىن جاۋاپكەر ەسكەرمەدى.

سوت جۇمىس بەرۋشىنىڭ كىناسىنەن جۇمىسشى ب. ەكىنشى توپتاعى مۇگەدەك بولعانى انىقتالىپ، سوندىقتان جاۋاپكەر تالاپكەرمەن ەڭبەك شارتىن بۇزباي، ونى وقىتىپ، ول ءۇشىن جۇمىس ورنىن اشۋعا مىندەتتەلگەن.

"قازاقستان رەسپۋبليكاسىندا مۇگەدەكتەردى الەۋمەتتىك قورعاۋ تۋرالى" ق ر زاڭىنىڭ 20 بابى 4 تارماعىنا سايكەس، جۇمىس بەرۋشiنiڭ كiءناسiنەن جۇمىستا مەرتiگۋگە ۇشىراعان نەمەسە كاسiپتiك اۋرۋعا شالدىققان مۇگەدەككە شيپاجايلىق-كۋرورتتىق ەمدەلۋگە جولداما قازاقستان رەسپۋبليكاسىنىڭ زاڭناماسىنا سايكەس جۇمىس بەرۋشiنiڭ ەسەبiنەن بەرiلگەن.

ءسويتىپ، جۇمىس بەرۋشى          ەڭبەك جاراقاتىن العان جۇمىسشىعا شيپاجايلىق-كۋرورتتىق ەمدەلۋدىڭ شىعىندارىن تولەۋگە مىندەتتى.

سوت ءب-نىڭ تالاپ ارىزىن تولىق قاناعاتتاندىرۋ تۋرالى شەشىم شىعارعان.

شەشىم زاڭدى كۇشىنە ەندى.

قاينار: 

اقتاۋ قالاسى №2 سوتىنىڭ باسپا ءسوز قىزمەتى