ماڭعىستاۋ  وبلىسىندا 14.07.2015ج. كۇنى ق ر بعم  ءبىلىم  جانە عىلىم سالاسىنداعى باقىلاۋ  كوميتەتىنىڭ  ءتوراعاسىنىڭ ورىنباسارى  التايىر احمەتوۆ  مەملەكەت  باسشىسى  ن.ءا. نازاربايەۆتىڭ  بەس  ينستيتۋسيونالدىق  رەفورماسى  «100 ناقتى  قادام» ۇلت  جوسپارىنىڭ جۇزەگە  اسىرىلۋىن  ءتۇسىندىرۋ ماقساتىندا وبلىستىق دارىندى  بالالارعا ارنالعان  وبلىستىق مەكتەپ – ينتەرناتىنىڭ بازاسىندا ءبىلىم بەرۋ ۇيىمدارىنىڭ  قىزمەتكەرلەرىمەن  كەزدەسۋ ۇيىمداستىرىپ، سالاعا قاتىستى ۇلت جوسپارىنىڭ 76،77،78،79 تارماقتارى تۋرالى ناقتى تۇسىنىك بەردى. سونىمەن قاتار پەداگوگتارمەن پىكىرلەسىپ، ۇسىنىستارىن تىڭداپ، قويىلعان سۇراقتارعا جاۋاپ بەردى.كەزدەسۋگە  وبلىستىڭ ءبىلىم بەرۋ ۇيىمدارىنان  150 ادام قاتىستى.

ءبىلىم بەرۋ ۇيىمدارىندا 12 جىلدىق ءبىلىم بەرۋدى  كەزەڭ- كەزەڭىمەن  ەنگىزۋ، وسى ورايدا رەسپۋبليكادا 30 پيلوتتىق مەكتەپتە ورتا ءبىلىم مازمۇنىن جاڭارتۋ ەكسپەريمەنتكە قاتىساتىن پەداگوگتاردىڭ ەڭبەكاقىسىن قوسىمشا قاجەتتى قاراجات ءبولۋدى قاراستىرۋ، ماتەريالدىق-تەحنيكالىق بازاسىن جاقسارتۋ جۇمىستارىن جالعاستىرۋ تۋرالى جۇمىستار ۇيىمداستىرۋدى ناقتىلادى.

        فۋنكسيالىق ساۋاتتىلىقتى  دامىتۋ  ءۇشىن  مەكتەپتەگى  وقىتۋ  ستاندارتتارىن جاڭارتۋ، مۇعالىمدەردى  بىلىكتىلىك كۋرستاردان  وتكىزۋ، وقۋشىلاردىڭ  لوگيكالىق  ويلاۋ  قابىلەتىن  دامىتۋ  باعىتىندا  جۇمىستار  جۇرگىزۋ تاپسىرىلدى.سونىمەن قاتار جوعارى  سىنىپتاردا  جانباسىلىق  قارجىلاندىرۋدى ەنگىزۋ، تابىستى  مەكتەپتەردى ىنتالاندىرۋ  جۇيەسىن  قۇرا وتىرىپ، باسقارۋشىلىق دەربەستىگىن، ءبىلىم بەرۋ ۇيىمدارى  قىزمەتىن ءوزى  باعالاۋدى جۇزەگە اسىرۋدى، جوعارى سىنىپتاردا ساباقتى اعىلشىن تىلىندە جۇرگىزۋگە كوشۋ تۋرالى جۇمىستار ۇيىمداستىرۋ كەرەكتىگى تۋرالى ايتىپ ءوتتى.

          مەملەكەتتىك - جەكەمەنشىك سەرىكتەستىك ارقىلى مەكتەپكە ءبىلىم بەرۋ ۇيىمدارىنىڭ  جەلىسىن  دامىتۋ باعىتىندا  كەڭىنەن توقتالىپ ءوتتى.

          سونىمەن  قاتار  اقتاۋ قالاسىنداعى  «№ 4 مەكتەپكە دەيىنگى  ءبىلىم بەرۋ ۇيىمى»  مەن  «وتباسىلىق ۇلگىدەگى  بالالار اۋىلىنىڭ»  جاعدايىمەن  تانىستى.