الماتى. قامشى پورتالى - 11 شىلدە كۇنى اقتاۋ قالاسىندا «Bala Turkvizyon قازاقستان» بايقاۋىنىڭ ايماقتىق ىرىكتەۋ كەزەڭى ءوتتى، دەپ جازادى baistars.kz.
ماڭعىستاۋ وبلىسىنىڭ تۇكپىر-تۇكپىرىنەن 8-13 جاس ارالىعىنداعى 100-دەن استام ۇل مەن قىز ءوز ونەرىن كورسەتىپ، جەڭىسكە جەتەم دەگەن قۇلشىنىسپەن م. وسكىنبايەۆ اتىنداعى وبلاستىق فيلارمونياعا جينالدى. ماڭعىستاۋ وڭىرىندە وتكەن ىرىكتەۋ ەرەكشەلىگىمەن ەستە قالدى. بايقاۋ الاڭىنا قاتىسۋشىلاردان بولەك، ونەرپازدارعا قولداۋ كورسەتۋگە بىرنەشە مۋزىكالىق ۇجىمدار كەلدى. ءار وڭىردە جۇلدىزدى تالىمگەرلەر - قازاقستان ەستراداسىنىڭ جاس انشىلەرى ءوز كوماندا مۇشەلەرىمەن بىرگە 8-13 جاس ارالىعىنداعى جاس ونەرپازداردى تاڭداپ، جارتىلاي فينال قاتىسۋشىلارىن انىقتادى. ماڭعىستاۋ وبلىسىنان جەڭىمپازدى انىقتاۋعا كامشات جولدىبايەۆا، ق ر ەڭبەك سىڭىرگەن ءارتىسى مايرا ءىلياسوۆا جانە «كەشيۋ» توبىنىڭ مۇشەسى جۇلدىز كەلدى.
فورت-شيەۆچەنكو قالاسىنىڭ تۇرعىنى ارۋجان ساعىنعالييەۆا «Bala Turkvizyon قازاقستان» بايقاۋىنىڭ ماڭعىستاۋ وبلىسى بويىنشا جەڭىمپازى اتاندى. ارۋجان 11 جاستا. ۇيدە بەس بالانىڭ ءتورتىنشىسى. ۆوكالمەن اينالىسقانىنا 3 جىل بولدى. سوڭعى ءبىر جىل بويى ۇستازى ايدا بايگەلوۆادان م.وسكىنبايەۆ اتىنداعى فيلارمونيادا كاسىبي ۆوكالدان ساباق الۋدا. ق ر ەڭبەك سىڭىرگەن ءارتىسى مايرا ءىلياسوۆا اتاپ وتكەن، ەرەكشە ءان سالۋ قابىلەتىنەن بولەك، ارۋجان سۋرەت سالعاندى جاقسى كورەدى. بايقاۋعا دەيىن، ۇمىتتەنىپ بولاشاق تالىمگەرى كامشات جولدىبايەۆانىڭ پورترەتىن سالعان ەكەن. سول ارمانى ورىندالىپ، كامشات ەندى ارۋجاندى بايقاۋدىڭ استانادا وتەتىن جارتىلاي فينالىنا دايىندايتىن بولادى.
«Bala Turkvizyon» حالىقارالىق بالالار ءانى بايقاۋىنىڭ اتىراۋ وبلىسىنداعى ۇلتتىق ىرىكتەۋى 15 شىلدە كۇنى، قۇرمانعازى اتىنداعى مادەنيەت سارايىندا وتەدى. كەلەسى جەڭىمپازدىڭ ەسىمى سول كەزدە بەلگىلى بولادى.
