اقتاۋ قالالىق سوتىمەن سوتتالۋشى د.-عا قاتىستى قىلمىستىق ءىس قارالىپ اياقتالعان. سوتتالۋشى د، 2013 جىلدىڭ قازان ايىندا    قاساقانا، پايداقورلىق نيەتپەن بوتەننىڭ مۇلكىن جاسىرىن ۇرلاۋ ماقساتىندا،سەنىمدى تەرىس پايدالانۋ جولىمەن  جابىرلەنۋشى س.-عا وسك جشس-نە بۋحگالتەر ماماندىعى بويىنشا جۇمىسقا كىرگىزەمىن دەپ 2000 اقش دوللارىن العان. الايدا، سوتتالۋشى ۋادەسىن ورىندى المايتىنىڭ بىلە تۇرا جابىرلەنۋشىنىڭ جوعارىدا كورسەتىلگەن اقشا قاراجاتىن جىمقىرعان. ناتيجەسىندە جابىرلەنۋشى س. 308 800  تەڭگەگە ماتەريالىق شىعىن كەلتىرگەن.

تاراپتاردىڭ بىتىمگەرشىلىككە كەلۋى ماڭعىستاۋ وبلىسىنىڭ كاسىبي مەدياتوردىڭ قاتىسۋىمەن جاساقتالىپ، سوت تالقىلاۋىندا جابىرلەنۋشى سوتتالۋشىمەن «ءوزارا تاتۋلاسۋ تۋرالى كەلىسىم شارتقا» وتىرعاندىعىن،  مەدياسيا تارتىبىمەن تاتۋلاسقانىن كورسەتىپ، سوتتالۋشىعا قوياتىن تالاپ تىلەگىنىڭ جوقتىعىن بىلدىرگەن.

21  شىلدە 2015 جىلى اقتاۋ قالالىق سوتىنىڭ قاۋلىسىمەن  قازاقستان رەسپۋبليكاسى قىلمىستىق كودەكسىنىڭ 190-بابىنىڭ  1-بولىگىندە كورسەتىلگەن قىلمىستىق ارەكەت جاساعان د. مەدياسيا تارتىبىمەن جابىرلەنۋشىمەن تاتۋلاسۋىنا بايلانىستى قىلمىستىق كودەكسىنىڭ 68 بابى 1 بولىگىنىڭ نەگىزىندە جاۋاپكەرشىلىكتەن بوساتىلىپ، ءىس ءوندىرىسى قىسقارتىلعان.

قاۋلى زاڭدى كۇشىنە ەنگەن جوق.

قاينار: 

اقتاۋ قالالىق سوتىنىڭ باسپا ءسوز قىزمەتى