الماتى. قامشى پورتالى – جاقىندا وبلىس اكىمىنىڭ ورىنباسارى ە.ايتاحانوۆ جەتىم جانە اتا-اناسىنىڭ قامقورلىعىنسىز قالعان 89 تۇلەككە وبلىس اكىمىنىڭ گرانتىن تاپسىردى.

ۇبت سىناعىنان قاجەتتى كورسەتكىشكە قول جەتكىزە الماي گرانتقا ىلىكپەگەن بالالار ەندى جولداما ارقىلى وبلىسىمىزداعى 11 جوعارى وقۋ ورىندارىندا ءبىلىمىن تەگىن جالعاستىرا الادى. 

وقۋ جىلىندا وڭىردە 11-سىنىپتى  جەتىم جانە اتا-اناسىنىڭ قامقورلىعىنسىز قالعان 200  بالا ءبىتىردى. ولاردىڭ  89-ى وبلىستاعى جوعارعى وقۋ ورىندارىنا، 91ء-ى كوللەدجدەردە وقۋعا نيەت بىلدىرسە، 20-ى ەلىمىزدىڭ باسقا وڭىرلەرىندە ءبىلىم الۋعا ىقىلاس تانىتىپ وتىر. جوعارى وقۋ ورىندارىندا وقۋعا نيەت بىلدىرگەن 147  تۇلەكتىڭ  106-ى  ۇلتتىق ءبىرىڭعاي تەستىلەۋ ناتيجەسىندە  50 بالدان جوعارى   جيناعان. 

سالتاناتتى شارادا بالالاردىڭ بولاشاققا دەگەن ءۇمىتىن وشىرمەي، قامقورلىق تانىتقان وبلىستاعى 11 جوعارى وقۋ ورىندارىنىڭ باسشىلارى وبلىس اكىمىنىڭ العىس حاتىمەن ماراپاتتالدى. جيىندى قورىتىندىلاعان وبلىس اكىمىنىڭ ورىنباسارى ە.ايتاحانوۆ جاڭا ومىرگە قادام باسقالى تۇرعان تۇلەكتەرگە ساتتىلىك تىلەپ، مەملەكەتىمىزگە ەڭبەك ەتەتىن بىلىكتى مامان بولىپ شىعاتىندارىنا سەنىم ارتتى، دەپ حابارلايدى   وقو اكىمىنىڭ باسپا ءسوز قىزمەتى.

ايتا كەتەيىك، وبلىستا اتا-اناسىنىڭ قامقورلىعىنسىز قالعان بالالاردى الەۋمەتتىك قامسىزداندىرۋ، ءبىلىم بەرۋ، بالالار مەن جاسوسپىرىمدەر اراسىندا قۇقىق بۇزۋشىلىقتىڭ الدىن الۋ ماسەلەلەرىنە ەرەۋشە كوڭىل بولىنەدى. 

دەرەككوزى: قازاقپارات