الماتى. قامشى پورتالى – وقو انا مەن بالا قۇقىعىن قورعاۋدى قاداعالاۋدا وزگە ايماقتاردان كوشى ىلگەرى تۇرعانى تۋرالى قامشى پورتالى وسىعان دەيىن دە جازعان بولاتىن. ەندى مىنە، وڭتۇستىك قازاقستان وبلىسىندا پروكۋرورلىق قاداعالاۋدىڭ ناتيجەسىندە، 1146 وقۋشى سۇتپەن قامتاماسىز ەتىلىپ، 28 لاۋازىمدى تۇلعا تارتىپتىك جاۋاپكەرشىلىككە تارتىلدى

بۇل تۋرالى «قامشى» پورتالى وبلىس پروكۋراتۋراسىنىڭ باسپا ءسوز قىزمەتىنە سىلتەمە جاساي وتىرىپ حابارلادى. 

پروكۋراتۋرا جۇرگىزگەن تەكسەرۋدە اۋدان كولەمىندەگى 25 مەكتەپتەگى 1-4 سىنىپ اراسىنداعى 3206 وقۋشىنى ءبىر مەزگىل سۇتپەن قامتاماسىز ەتۋ ماقساتىندا 06.05.2015 جىلى اۋداندىق ءبىلىم ءبولىمى باسشىسى مەن «وتىرار سۇت-ەت» ستك اراسىنداعى كەلىسىم شارتتىڭ تالاپتارى ورىندالماي جاتقاندىعى انىقتالدى.

تەكسەرۋدە كەلىسىم شارتتىڭ تالاپتارىنا سايكەس 2015 جىلدىڭ 1 مامىرىنان باستاپ 25 مەكتەپتەگى 3206 بالا بەرىلۋى ءتيىس (كۇنىنە ءار بالاعا 200 گرامم) ءسۇتتىڭ مۇلدەم بەرىلمەي، جاسى كامەلەتكە تولماعانداردىڭ قۇقىقتارىنىڭ بۇزىلۋىنا جول بەرىلگەن. ءوز كەزەگىندە وتىرار اۋداندىق ءبىلىم ءبولىمى مەن وعان قاراستى مەكتەپ باسشىلىعى اتالعان كەلىسىم شارت تالاپتارىنىڭ ورىندالۋىن قاداعالاۋعا الماعان.

تەكسەرۋ ناتيجەسى بويىنشا وتىرار اۋداندىق ءبىلىم ءبولىمى باسشىسىنىڭ اتىنا ۇسىنىس ەنگىزىلىپ، قارالۋ ناتيجەسى بويىنشا مامىر ايىنىڭ 22،23،25 جۇلدىزى كۇندەرى 1146 وقۋشىلار سۇتپەن قامتاماسىز ەتىلىپ، ولاردىڭ قۇقىقتارى قورعالسا، 28 تۇلعا تارتىپتىك جاۋاپكەرشىلىككە تارتىلعان.

دەرەككوزى: قازاقپارات