وڭتۇستىك قازاقستان وبلىسى بالالار قۇقىقتارىن قورعاۋ جونىندەگى باسقارماسىنىڭ ۇيىمداستىرۋىمەن بالالارىمىز بەن جاس جەتكىنشەكتەرىمىزگە وتباسى جىلۋلىعى مەن جانۇيا ماحابباتىن سىيلاۋ،   جۇرەكتەرىن يماندىلىققا، مەيىرىمدىلىككە سۋسىنداتۋ، پاتريوتتىق ساناسى مەن ومىرگە دەگەن كوزقاراسىن وڭتايلاندىرۋ  ءۇشىن جەتىم جانە اتا-اناسىنىڭ قامقورلىعىنسىز قالعان بالالاردى قورعانشىلىق، قامقورشىلىققا العان ازاماتتاردى بارىنشا اۋقىمدى قولداۋ،  وتباسى قۇندىلىقتارىن قالىپتاستىرۋ، وتباسى جانە جانۇيا بەينەسىن ناسيحاتتاۋ ماقساتىندا رەسپۋبليكالىق «قامقورشىلار كۇنىنە» وراي «مەيىرىمدى جاندارعا مىڭ العىس» اتتى وبلىستىق مەرەكەلىك، سالتاناتتى  ءىس-شارا وتكىزىلدى. بۇل تۋرالى «قامشى» پورتالى blog.edu.gov.kz سايتىنا سىلتەمە جاساي وتىرىپ حابارلايدى.

ءىس-شاراعا وڭتۇستىك قازاقستان وبلىسى اكىمىنىڭ ورىنباسارى س. قانىبەكوۆ، وبلىستىق ماسليحات دەپۋتاتتارى،  اۋداندىق، قالالىق ءبىلىم ءبولىمىنىڭ قىزمەتكەرلەرى، جەتىم جانە اتا-اناسىنىڭ قامقورلىعىنسىز قالعان بالالارعا ارنالعان ءبىلىم بەرۋ مەكەمەلەرىنىڭ، جاسوسپىرىمدەر ءۇيىنىڭ، كامەلەتكە تولماعانداردى بەيىمدەۋ ورتالىعىنىڭ، بوبەكتەر ءۇيىنىڭ باسشىلارى، اۋدان، قالادان كەلگەن قورعانشى، قامقورشىلار، ۇكىمەتتىك ەمەس ۇيىم قىزمەتكەرلەرى، دەمەۋشىلەر،  بۇقارالىق اقپارات قۇرالدارى وكىلدەرى، شىمكەنت قالاسىنىڭ جالپى ءبىلىم بەرەتىن مەكتەپ ديرەكتورلارىنىڭ تاربيە ءىسى جونىندەگى ورىنباسارلارى، شىمكەنت قالاسىنىڭ جالپى ءبىلىم بەرەتىن مەكتەپتەردىڭ الەۋمەتتىك-پەداگوگتارى مەن  بالالار ءۇيىنىڭ تاربيەلەنۋشىلەرى (جالپى 200 قاتىسۋشى) قاتىستى.

مەرەكەلىك زال  شارلارمەن، ناقىل سوزدەرمەن بەزەندىرىلىپ،  شىمكەنت قالالىق بالالار ونەر مەكتەبىنىڭ وقۋشىلارى، حالىقارالىق بايقاۋلاردىڭ بىرنەشە رەت لاۋرەاتى «جاس داۋرەن» حورەوگرافيالىق ءانسامبىلىنىڭ ورىنداۋىنداعى «ءسۇيىنشى» بيىمەن باستاۋ الدى. 

وڭتۇستىك قازاقستان وبلىسى اكىمىنىڭ ورىنباسارى قانىبەكوۆ ساكەن اسەمبەك ۇلى  مەرەكەلىك كەزدەسۋگە قاتىسۋشى اۋدان، قالالاردان كەلگەن 10 مەيىرىمدى جاندى ىزگى تىلەكتەرىمەن، جۇرەك جاردى لەبىزدەرىمەن قۇتتىقتاپ، وبلىس اكىمدىگىنىڭ  العىس حاتتارىمەن جانە  «پەتروقازاقستان–ويلپروداكتس»ءجشس-ىنىڭ دەمەۋشىلىگىمەن 200 000 (ەكى ءجۇز مىڭ) تەڭگەلىك سىيلىقتارمەن ماراپاتتادى. 

سونىمەن قاتار، وڭتۇستىك قازاقستان وبلىسى  بالالار قۇقىقتارىن قورعاۋ جونىندەگى باسقارما باسشىسى ءجۇسىپوۆا عاليا جۇسىپبەك قىزى  يگى باستاما جولىن وزىنە پارىز تۇتقان مەيىرىمدى جاندارىمىز بەن وسى سالادا جەمىستى ەڭبەك ەتىپ جۇرگەن اۋداندىق، قالالىق ءبىلىم بولىمدەرىنىڭ قىزمەتكەرلەرىن العىس حاتپەن ماراپاتتادى.

مەرەكەگە قاتىسۋشى قوناقتار مەن دەمەۋشىلەر، قورعانشى، قامقورشىلار مەن بالالار ۇيلەرىنىڭ تاربيەلەنۋشىلەرى دە ءوز تىلەكتەرىن، جۇرەك جاردى لەبىزدەرىن ءبىلدىردى. 

ءىس-شارادا حالىقارالىق جانە رەسپۋبليكالىق بايقاۋلاردىڭ لاۋرەاتتارى ونەر كورسەتىپ، قاتىسۋشىلارعا مەرەكەلىك كوڭىل-كۇي سىيلادى. سونداي-اق ءتۇرلى بەينە روليكتەر كورسەتىلىپ، ق ر ءبىلىم جانە عىلىم مينيسترلىگىنىڭ  ۇيىمداستىرۋىمەن قازاقستان اۋماعىنداعى  www.usinovite.kz سايتى تۋرالى كەڭىنەن تانىستىرىلدى.

مەرەكەلىك ءىس-شارا جەرگىلىكتى تەلەارنالار مەن باسپا ءسوز بەتتەرى ارقىلى وبلىس جۇرتشىلىعىنا تانىستىرىلدى. 

وڭتۇستىك قازاقستان وبلىسى

 بالالار قۇقىقتارىن قورعاۋ  جونىندەگى باسقارماسى