وقو، كەنتاۋ قالاسىندا تاعى 3 بالاباقشا مەن 1 مەكتەپ پايدالانۋعا بەرىلدى. بۇل تۋرالى «قامشى» پورتالى كەنتاۋ قالالىق اكىمدىگىنىڭ رەسمي سايتىنا سىلتەمە جاساي وتىرىپ حابارلايدى.

قازاقستان رەسپۋبليكاسىنىڭ پرەزيدەنتى ءوز جولداۋىندا اتاپ كورسەتىلگەن ون باعىتتىڭ ءبىرى- وڭىرلەردى دامىتۋ ماسەلەسى. وسى ماسەلە شەڭبەرىندە اتقارىلاتىن مىندەتتىڭ ءبىرى – ءبىر سالالى شاعىن قالالاردى دامىتۋ بولاتىن. وسى باعدارلاماعا ەنگەن 27 قالانىڭ ءبىرى كەنتاۋ قالاسى. بۇگىندە بۇل قالاعا 59 جىل تولىپ. ايتۋلى كۇنگە وراي كەنشىلەر قالاسىندا 4 الەۋمەتتىك نىسان اشىلىپ ەل يگىلىگىنە بەرىلدى. ولاردىڭ ءبىرى 1200 ورىندىق ورتا مەكتەپ. زاماناۋي ۇلگىدەگى تالاپتارىنا ساي سالىنعان بۇل مەكتەپتە بالالارعا بارلىق جاعداي جاسالعان. سونىمەن قاتار، ءبىلىم وشاعىنا اۆتونومدى جىلۋ جانە كارىز جۇيەسى دە تارتىلعان. وسى مەرەكە قارساڭىندا قالادا 260 ورىندىق «ايگولەك»، 180 ورىندىق «ساۋلە» جانە حانتاعى اۋىلىندا 140 ورىندىق جالپى ءۇش بالاباقشا اشىلىپ، بۇلدىرشىندەردى قۋانىشقا بولەدى. ەڭبەكشىلەر قالاسىندا بيىلعى جىلى 2 مەكتەپ پەن 4 بالاباقشا پايدالانۋعا بەرىلسە، 1 مەكتەپ پەن 60 پاتەرلىك تۇرعىن ۇيلەردىڭ قۇرىلىسى جۇرگىزىلۋدە. شاعىن قالالاردى دامىتۋ باعدارلاماسى اياسىندا قالا ماڭىنداعى شاعىن اۋداندارعا ينفرو قۇرىلىمدار تارتىلىپ، ش.قالداياقوۆ اتىنداعى مادەنيەت سارايى مەن قالالىق ءجۇزۋ باسەيىندەرى كۇردەلى جوندەۋدەن وتكىزىلۋدە. 

وقو اكىمى اپپاراتىنىڭ باسپا ءسوز قىزمەتى