بۇگىن قالا اكىمشىلىگىنىڭ عيماراتىندا مەملەكەتتىك ورگاندار باسشىلارىنىڭ قۇرىلىس كومپانيالارىنىڭ، مەردىگەر ۇيىمداردىڭ وكىلدەرىمەن كەزدەسۋى ءوتتى. بۇل تۋرالى «قامشى» پورتالى حابارلايدى.
جيىن بارىسىندا ەلباسى كوتەرگەن «بەس ينستيتۋسيونالدى رەفورمانى» جۇزەگە اسىرۋ مىندەتتەرى مەن مەحانيزمدەرى تالقىلاندى.
جيىنعا قاتىسۋشىلار «100 ناقتى قادام» ۇلت جوسپارىنىڭ بىرنەشە تارماعىنىڭ جۇزەگە اسىرىلۋىنا، سونىڭ ىشىندە قۇرىلىسقا رۇقسات الۋدىڭ ءۇش ساتىلى قاعيداتىن ەنگىزۋ، جوبا الدى جانە جوبالىق-سمەتالىق قۇجاتناما ساراپتاماسىن وتكىزۋگە بايلانىستى مەملەكەتتىك مونوپوليادان بىرتىندەپ باس تارتۋ، قۇرىلىستىڭ سمەتالىق قۇنىن اڭىقتاۋدىڭ رەسۋرستىق ءادىسىن ەنگىزۋ، قەنەستىك كەزەڭنەن بەرى قولدانىلىپ كەلە جاتقان قۇرىلىستىڭ ەسكىرگەن نورمالارى مەن ەرەجەلەرىنىڭ ورنىنا ەۋروكودتار جۇيەسىن ەنگىزۋ ماسەلەسىنە نازار اۋداردى.
ماڭعىستاۋ وبلىسىنىڭ قۇرىلىس باسقارماسىنىڭ باسشىسى وراق اياپوۆتىڭ سوزىنشە، «100 ناقتى قادام» ۇلت جوسپارىنى قوعام ءومىرىنىڭ نەگىزگى سالالارىن، اتاپ ايتقاندا، قۇرىلىس سالاسىن جاڭعىرتۋعا باعىتتالعان.
قاتىسۋشىلار ۇلت جوسپارىنىڭ باسىمداقتارىنىڭ ماڭىزدىلىعىن اشىپ كورسەتىپ، ونى ىسكە اسىرۋدىڭ نەگىزگى ادىستەرىن تالقىلادى. جيىن قورىتىندىسى بويىنشا ناقتى تاپسىرمالار مەن ۇسىنىستار بەرىلدى.
اقتاۋ قالاسى اكىمدىگىنىڭ باسپا ءسوز قىزمەتى.
