«باتىس» وڭىرلىك قولباسشىلىعىنا قاراستى اقتاۋ گارنيزونىندا ق ر كونستيتۋسياسىنىڭ 20 جىلدىعىن مەرەكەلەۋ اياسىندا ەلىمىزدىڭ قارۋلى كۇشتەرىندە «اتا زاڭعا ادالمىز» اتتى پاتريوتتىق اكسياسى جالعاسۋدا.

«كونستيتۋسيا - ەلدىڭ ساياسي، مادەني، رۋحاني جانە الەۋمەتتىك دامۋىنىڭ قاينار كوزى. تاۋەلسىز ەل بولعان جىلدارداعى ءبىزدىڭ بارلىق جەتىستىكتەرىمىز ەلدىڭ نەگىزگى زاڭىنىڭ اياسىندا ىسكە استى. وسى جىلداردى ەلدىڭ قورعانىس قابىلەتىن نىعايتۋ جانە كاسىبي ارميانى كۇشەيتۋباستى نازاردا بولدى. بۇگىنگى كۇنى قارۋلى كۇشتەر زامان تالابىنا ساي مەملەكەتتىڭ سەنىمدى قالقانىنا اينالدى»، - دەپ اتاپ ءوتتى ق ر قك قۇرلىق اسكەرلەرى باس قولباسشىسىنىڭ تاربيە جانە  الەۋمەتتتىك قۇقىقتىق جۇمىستار جونىندەگى ورىنباسارى پولكوۆنيك جۇمابەك حاسەنوۆ قۇتتىقتاۋ سوزىندە.

«اقتاۋ گارنيزونىنىڭ اسكەري قىزمەتشىلەرى كونستيتۋسيادا بەكىتىلگەندەي، ەل تىنىشتىعى مەن ۇلتتىق قاۋىپسىزدىكتى قورعاۋعا ءارقاشان دايىن»، - دەدى 25744 اسكەري ءبولىمىنىڭ كومانديرى پودپولكوۆنيك ەربولات تولىقبايەۆ.

ق ر قورعانىس مينيسترلىگى باسپا ءسوز قىزمەتىنىڭ حابارلاۋىنشا، مەرەيتوي كۇنى قارساڭىندا بىرنەشە اسكەري قىزمەتشىلەرگە ماقتاۋ گراموتالارى مەن العىس حاتتار تابىس ەتىلگەن. اتاپ ايتساق، 25744 اسكەري ءبولىمىنىڭ ينجەنەرلىك قىزمەت باستىعى گۆارديا كاپيتانى ماۋلەت تۇياقبايەۆ «ۇزدىك وتباسى» اتالىمىن، وسى ءبولىمنىڭ 2ء-شى تانك روتاسىنىڭ 1ء-شى ۆزۆود كومانديرى گۆارديا كاپيتانى اقىنبەك ۇلى باقبەرسىن «ۇزدىك روتا كومانديرى» اتالىمىن ەنشىلەدى. ال 2ء-شى تانك روتاسىنىڭ 1ء-شى ۆزۆود كومانديرى گۆارديا اعا لەيتەنانتى جاندوس تەمىربەكوۆ «ۇزدىك ۆزۆود كومانديرى» بولدى. اتالعان ءبولىمنىڭ تانك باتالونى سەرجانتى، گۆارديانىڭ 3-سىنىپتى سەرجانتى اسحات مۋسين «ۇزدىك باتالون سەرجانتى»، ال 1ء-شى جاياۋ اسكەرلەر روتاسىنىڭ سەرجانتى، گۆارديا سەرجانتى قايرات ەسمۇقانوۆ«ۇزدىك روتا سەرجانتى»، سونداي-اق 2ء-شى تەڭىز جاياۋ باتالونى وتپەن قولداۋ روتاسىنىڭ ۆزۆود سەرجانتى، گۆارديا سەرجانتى ابدىمالىك اشىربەكوۆ «ۇزدىك ۆزۆود سەرجانتى» اتاندى.

ەستەرىڭىزگە سالا كەتسەك، ق ر قارۋلى كۇشتەردىڭ قولداۋىمەن وتەتىن«اتا زاڭعا ادالمىز» اتتى پاتريوتتىق اكسياسى وسى اپتادا قاراعاندىدا وتەدى. اقتاۋدان كەيىن اكسيا شىمكەنتتە (18 تامىز) جالعاسىپ،  وسكەمەندە (24 تامىز) اياقتالادى.  

دەرەككوزى: قازاقپارات