الماتى. قامشى پورتالى - بۇل تۋرالى ق ر پرەزيدەنتى جانىنداعى ورتالىق كوممۋنيكاسيالار قىزمەتىنىڭ ماڭعىستاۋ فيليالىندا وتكەن بريفينگ بارىسىندا ماڭعىستاۋ وبلىسى ىشكى ىستەر باسقارماسى كريمينالدىق پوليسياسىنىڭ باسشىسى مەلس دجۋسۋپوۆ حابارلادى.
- مەن ماڭعىستاۋ وبلىسى ىشكى ىستەر باسقارماسىنا بالالاردىڭ جوعالۋى تۋرالى ارىزداردىڭ كەلىپ تۇسپەگەنى جايلى رەسمي تۇردە حابارلاعىم كەلەدى. الەۋمەتتىك جەلىلەردە تاراتىلىپ وتىرعان قىز بالانىڭ ءوزىن ماشيناعا وتىرعىزباقشى بولعان ەر ادامدار جايلى ايتقان اڭگىمەسى جازىلعان بەينەروليكتەرگە كەلەتىن بولساق، ءبىز روليككە تۇسىرىلگەن قىز بالا مەن ونىڭ اتا-اناسىن ىزدەپ تاپتىق. قىز بالانىڭ سوزدەرىن راستاماعان ەگدە ەر ادامدى، ياعني كۋاگەردى دە تاپتىق، - دەپ حابارلادى مەلس دجۋسۋپوۆ.
ونىڭ سوزىنە قاراعاندا، كورىنەۋ جالعان مالىمەت تاراتقان تۇلعالاردى ىزدەستىرۋ جۇمىستارى جۇرگىزىلۋدە. ق ر قىلمىستىق كودەكسىنىڭ 419 بابىنا “قىلمىس جاسالعانى تۋرالى كورىنەۋ جالعان ءسوز جەتكىزۋ” سايكەس، ولارعا ايىپپۇل سالۋ نەمەسە تۇزەتۋ نە قوعامدىق جۇمىستار تۇرىندەگى جازاعا تارتىلادى.
- ايماقتىڭ ءار مەكتەبىندە جاسوسپىرىمدەرمەن جۇمىس بويىنشا ينسپەكتور كەزەكشىلىك اتقارادى. باسقارمانىڭ جەدەل توبى تۇراقتى ازىرلىك جاعدايىندا. مەكتەپتەردەگى ساباقتار ساباق كەستەسىنە ساي جۇرگىزىلەدى. ءوز تاراپىمنان اتا-انالار مەن بالالارعا قاراپايىم قاۋىپسىزدىك ەرەجەلەرىن ساقتاۋدى ەسكەرتكىم كەلەدى، - دەپ اتاپ ايتتى ماڭعىستاۋ وبلىسى ىشكى ىستەر باسقارماسى كريمينالدىق پوليسياسىنىڭ باسشىسى مەلس دجۋسۋپوۆ.
Mangystau Online اقپاراتتىق ورتالىعى
پىكىر قالدىرۋ