الماتى. قامشى پورتالى - 18  قىركۇيەك  كۇنى  اقتاۋ قالاسىنىڭ 52 جىلدىعى قارساڭىندا، قالا اكىمى سەرىكباي ترۇموۆ جانە ماڭعىستاۋ وبلىسى اكىمىنىڭ ورىنباسارى بانۋ نۇرعازييەۆانىڭ قاتىسۋىمەن قالالىق «جاستار ورتالىعى» عيماراتىنىڭ اشىلۋى ءوتتى.

قالا باسشىسى عيماراتتىڭ كۇردەلى قۇرىلىس جۇمىستارىنان كەيىن قايتا اشىلعانىمەن قۇتتىقتاپ، جاڭا عيماراتتىڭ لەنتاسىن قيۋعا «بولاشاق» كوللەدجىنىڭ ستۋدەنتتەرىنە تابىستادى.

شاحار جاستارىنىڭ باسىن قوساتىن بۇل ورتالىق 2001 جىلدان بەرى وبلىستىق «ارمان» جاستار ورتالىعى بولىپ اشىلىپ جۇمىس اتقارعان بولاتىن، الايدا بۇرىنعى عيماراتتىڭ توزىعى جەتىپ، جاستاردى قولداۋ، ولارعا ىڭعايلى جاعداي جاساۋ ءۇشىن 2013 جىلى جاڭا عيماراتقا جوبا جاساقتالىپ، اتالعان نىساننىڭ قۇرىلىس جۇمىستارىن جۇرگىزۋگە 204 ملن. تەڭگە بولىنگەن بولاتىن.

قازىرگى جاڭادان اشىلعان ورتالىقتا 32 كابينەت، كونفەرەنس زالى، مەرەكەلىك ءىس-شارالاردى وتكىزۋگە ارنالعان اكت زالى، جاستاردىڭ مۋزىكالىق ءبىلىمىن دامىتۋعا ىقپال ەتەتىن بىرنەشە ءان ستۋديالارى ورنالاسقان جانە «اقتاۋ قالالىق جاستار ورتالىعى» مادەني-دەمالىس كەشەنى» كوممۋنالدىق مەملەكتتىك مەكەمەسى، ماڭعىستاۋ وبلىستىق جاستار رەسۋرستىق ورتالىعى جانە ءار-تۇرلى ۇكىمەتتىك ەمەس ۇيىمداردى بۇل عيماراتقا ورنىعىپ اقتاۋلىق وقۋشىلاردىڭ، ستۋدەنت جاستاردىڭ باستارىن بىرىكتىرەتىن جاستار ۇيىنە اينالادى،- دەدى «اقتاۋ قالالىق جاستار ورتالىعى» مادەني-دەمالىس كەشەنى» كوممۋنالدىق مەملەكتتىك مەكەمەسى ديرەكتورىنىڭ ورىنباسارى داۋلەت ساعىنتايەۆ.

 سونىمەن قاتار اتالعان عيماراتتا، بالالاردىڭ بويىندا مۋزىكالىق-ەستەتيكالىق تاربيەنى جەتىلدىرۋ، ولاردىڭ شەبەرلىگىن ارتتىرۋ، بي ونەرىنىڭ كەڭ اۋقىمدا وربۋىنە ات سالىسۋ ماقساتىندا ءار ءتۇرلى ۇيىرمەلەردە قىزمەت اتقاراتىن بولادى.

اقتاۋ قالاسى اكىمدىگىنىڭ باسپا ءسوز قىزمەتى.