الماتى. قامشى پورتالى - 16 قىركۇيەك كۇنى اقتاۋدا 29 شاعىن اۋداندا ورنالاسقان №61 «سۇلتان» اتتى بالاباقشانىڭ اشىلۋ ءراسىمى ءوتتى.
بالاباقشانىڭ اشىلۋ سالتاناتىنا وبلىس اكىمىنىڭ ورىنباسارى بانۋ نۇرعازييەۆا، اقتاۋ قالاسىنىڭ اكىمى سەرىكباي ترۇموۆ قاتىسىپ، اتا-انالار مەن بۇلدىرشىندەردى قۇتتىقتادى.
باعدارلاماعا سايكەس جاڭا عيماراتتىڭ لەنتاسىن وبلىس اكىمىنىڭ ورىنباسارى بانۋ نۇرعازييەۆا مەن بالاباقشا قۇرىلىسىن جۇرگىزگەن مەردىگەر مەكەمەنىڭ باسشىسى اسقار كەرەلبايەۆ قيىپ، قوناقتار بالاباقشا عيماراتىمەن تانىسىپ، تاربيەلەنۋشىلەردىڭ قۋىنىش تىلەكتەرىن تىڭداپ، ونەرلەرىن تاماشالادى.
مۇندا بالالاردىڭ تاربيەسى ءۇشىن تولىق جاعداي جاسالعان، بالاباقشا قاجەتتى وقۋ-ادىستەمەلىك قۇرالدارىمەن جابدىقتالعان. وندا 11 توپقا ارنالعان جاتاتىن جانە وينايتىن، جۋىناتىن بولمەلەرى بار. سونداي-اق، بالاباقشا ءوزىن-وزى تانۋ، قازاق ءتىلى، ينفورماتيكا، اعىلشىن جانە ورىس تىلدەرى، بەينەلەۋ جانە ءان-ساز كابينەتىمەن، دەنە شىنىقتىرۋ جانە تاماقتانۋ بولمەسىمەن قامتىلعان. بالاباقشا 280 ورىنعا ەسەپتەلگەن. وندا 3-تەن 6 جاسقا دەيىنگى بالالار قابىلدانادى. بالاباقشا 55 ادامدى جۇمىسپەن قامتيدى.
سونداي-اق، سالتاناتتى شارادا اتا-انالار ەلباسى، ءوڭىر جانە قالا باسشىلارىنا ءوز ريزاشىلىقتارىن ءبىلدىرىپ، ىزگى تىلەك-نيەتتەرىن ايتتى.
- «سۇلتان» بالاباقشاسىنىڭ اشىلۋى، ءبىزدىڭ وتباسى ءۇشىن قۋانىشتى كۇن. سەبەبى، 2 نەمەرەمدى وسى بالاباقشانىڭ تابالدىرىعىن اتتاپ جاتىر. بالالار تاربيەسىنە ءاردايىم كوڭىل ءبولىپ وتىرعان ەلباسىمىزدىڭ كەمەل ساياساتىنىڭ ارقاسىندا، زاماناۋي، كەڭ بالاباقشانىڭ اشىلعانىنا ءبىز وتە قۋانىشتىمىز. ءوزىمنىڭ، تۇرعىندار اتىنان قالالىق اكىمدىككە كوپ-كوپ راحمەتىمدى ايتامىن،- دەدى اتا-انا مۇڭايحان تۇلەۋباي قىزى.
اقتاۋ قالاسى اكىمدىگىنىڭ باسپا ءسوز قىزمەتى.
پىكىر قالدىرۋ