بۇگىن 3 قىركۇيەك كۇنى اقتاۋ قالاسىندا 33ء-شى شاعىن اۋداندا ورنالاسقان 280 ورىندىق 3 بىردەي بالاباقشانىڭ اشىلۋى ءوتتى.

بالاباقشانى ماڭعىستاۋ وبلىسىنىڭ اكىمى اليك ايداربايەۆ جانە نكوك كومپانياسىنىڭ باسقارۋشى ديرەكتورى ستەفان دە مايە سالتاناتتى تۇردە اشىپ، لەنتاسىن قيدى.

سالتاناتتى شارادا وبلىس اكىمى ايداربايەۆ اليك سەرىك ۇلى بالاباقشا ۇجىمىن، بالالار مەن ولاردىڭ اتا-انالارىن الەۋمەتتىك نىساننىڭ اشىلۋىمەن قۇتتىقتادى.

-   بيىلعى جىل – ۇلتتىق تاريحىمىزدى ۇلىقتاۋ جانە بۇگىنگى بيىكتەرىمىزدى باعالاۋ تۇرعىسىنان مەرەيلى بەلەستەر جىلى. قازاق حاندىعىنىڭ 550 جىلدىعى، قازاقستان حالقى اسسامبلەياسى مەن كونستيتۋسيامىزدىڭ 20 جىلدىعى، ۇلى جەڭىستىڭ 70 جىلدىعى. وسىنداي مەرەكەلەر توعىسقان بەرەكەلى كۇز ايىنىڭ العاشقى كۇنىندە NCOC كومپانياسىنىڭ قارجىسىنا سالىنعان 3 بىردەي «ءاليا»، «مانشۇك»، «حيۋاز» بالاباقشالارى بۇلدىرشىندەرىمىزگە ارناپ سالتاناتتى تۇردە ەسىگىن اشپاقشى.

 ەلباسىنىڭ «بالاپان» باعدارلاماسىندا كورسەتىلگەن مىندەتتەردى ورىنداۋ ماقستاندا مەملەكەتتىك بالاباقشالار جۇيەسى بيىلدىڭ وزىندە 5 بىرلىككە ءوسىپ وتىر.

بۇگىنگى اشىلعالى وتىرعان 3 بالاباقشاعا قوسا، 29 شاعىناۋداننان №61 «سۇلتان» جانە 12 شاعىناۋداننان №32 «اقشاعالا» بالاباقشالارى اشۋ ارقىلى جاڭادان 1 400 بالانى بالاباقشامەن قامتاماسىز ەتەتىن بولامىز.

سونىمەن قاتار قازىرگى تاڭدا بۇرىن جالعا بەرىلگەن 4 بالاباقشا عيماراتىن مەملەكەتكە قايتارىپ، جوبالىق-سمەتالىق قۇجاتتارىن دايىنداۋ ءۇشىن 16 ملن. تەڭگە قارجى قاراستىرىپ وتىرمىز.

مەكتەپتەر جانىنان شاعىن ورتالىقتار اشۋ جانە جەكەمەنشىك بالاباقشالار اشۋ جۇمىستارى دا قالامىزدا قارقىندى جۇرگىزىلۋدە. وسىنداي جوسپارلى جۇمىستاردىڭ ارقاسىندا ءبىز جىلدار بويى قالىپتاسقان بالاباقشا كەزەگىن ازايتىپ، ەلباسىمىزدىڭ 2020 جىلعا دەيىن 3 پەن 6 جاس ارالىعىنداعى بالالارىمىزدى بالاباقشامەن قامتاماسىز ەتۋ تۋرالى مىندەتىن تولىعىمەن ورىندايمىز،- وبلىس اكىمى اليك سەرىك ۇلى.

وبلىس اكىمى اليك ايداربايەۆ NCOC كومپانياسىنىڭ باسشىلىعىنا مەملەكەتتىك باعدارلامانى قولداپ، الەۋمەتتىك جانە ينفراقۇرىلىمدىق جوبالار اياسىندا وبلىس ورتالىعى اقتاۋ قالاسىنان بۇلدىرشىندەرىمىزگە ارناپ، ءسانى كەلىسكەن بالاباقشا سالىپ بەرگەندەرى ءۇشىن بارشا وبلىس تۇرعىندارىنىڭ اتىنان العىسىن ءبىلدىردى.

قوناقتار بالاباقشا عيماراتىمەن تانىسىپ، تاربيەلەنۋشىلەردىڭ قۋىنىش تىلەكتەرىن تىڭداپ، ونەرلەرىن تاماشالادى.

 بالاباقشا تولىعىمەن قاجەتتى وقۋ-ادىستەمەلىك قۇرالدارىمەن جابدىقتالعان. وندا 12 توپقا ارنالعان جاتاتىن جانە وينايتىن، جۋىناتىن بولمەلەرى بار. سونداي-اق، بالاباقشا  قازاق ءتىلى، اعىلشىن ءتىلى، بەينەلەۋ جانە ءان-ساز كابينەتىمەن، تاماقتانۋ بولمەسىمەن قامتىلعان. بالاباقشا 280 ورىنعا ەسەپتەلگەن. وندا 3-تەن 6 جاسقا دەيىنگى بالالار قابىلدانادى. 

اقتاۋ قالاسى اكىمدىگىنىڭ باسپا ءسوز قىزمەتى.