بيىل ەلىمىزدە قوي ۇستىنە بوزتورعاي جۇمىرتقالاعان قوي جىلى قازاق حاندىعىنىڭ-550 جىلدىعى، ۇلى جەڭىستىڭ 70 جىلدىعى، قازاقستان حالىقتارى اسسامبلەياسىنىڭ 20 جىلدىعى، ەگەمەن ەلىمىزدىڭ اتا زاڭىنىڭ قابىلدانعانىنا-20 جىل سياقتى ايتۋلى مەرەكەلەر ەلىمىزدىڭ اۋماعىندا سالتاناتپەن تويلانۋدا. سونىڭ ءبىرى قازاق حاندىعىنىڭ-550 جىلدىعى جانە ەلىمىزدىڭ اتا زاڭىنىڭ 20 جىلدىعىنا وراي بەينەۋ اۋداندىق مۇراجايدا وتكەن باس قوسۋ بولدى. بۇل تۋرالى «قامشى» پورتالى حابارلايدى.

بۇل مەرەكەگە اۋداننىڭ ارداگەرلەرى، اۋدان وڭىرىندەگى №51809 جانە 2087 اسكەري ءبولىمىنىڭ اسكەرلەرى مەن وفيسەرلەرى، مۇراجاي جانە اۋداندىق اكىمشىلىك قىزمەتكەرلەرى شاقىرىلدى. باس قوسۋدى قىسقاشا سوزبەن اشقان مۇراجاي قىزمەتكەرى ءبازاربيبى حاديسوۆا قۇتتىقتاۋ ءسوز كەزەگىن اۋداندىق دەنە شىنىقتىرۋ جانە سپورت ءبولىمىنىڭ باسشىسى جازىلبەك مىرزابەكوۆكە جولدادى. ونىڭ سوڭىنان اۋدانداعى ارداگەرلەر، شەكارا ساربازدارى، اۋدان حالقىن مەرەكەمەن قۇتتىقتادى. ءاربىر قۇتتىقتاۋ ان-جىرمەن كومكەرىلدى. مۇراجاي ديرەكتورى ع.جۇماحانوۆ اۋدانداعى سوعىس ارداگەرلەرىنە باعالى سىيلىقتار جاسادى. مۇراجاي باسشىسى ەلىمىزدىڭ مارتەبەسى مەن ابىرويى ارتا بەرۋىن، حالقىمىزدىڭ بىرلىكتە، تاتۋلىقتا، تىنىش ءومىر ءسۇرۋىن تىلەپ، لەبىز ءبىلدىردى.

ج. نارەنباي ۇلى، بەينەۋ سەلوسى

بەينەۋ اۋداندىق اكىمدىگىنىڭ باسپا ءسوز قىزمەتى

 «قامشى» سىلتەيدى