مەملەكەت باسشىسىنىڭ جارلىعىمەن قىركۇيەك ايىنىڭ سوڭعى جەكسەنبىسى ەلىمىزدە «ەڭبەك كۇنى» بولىپ بەلگىلەنگەن. وسى كۇنگە وراي، بۇگىن وبلىستىق ەڭبەك ينسپەكسياسى جونىندەگى باسقارما باسشىسى ب.ەسقارايەۆ ق ر پرەزيدەنتى جانىنداعى ورتالىق كوممۋنيكاسيالار قىزمەتىنىڭ وبلىستىق فيليالىندا بريفينگ بەردى. باسپا ءسوز ءماسليحاتىندا باسقارما باسشىسى ب ا ق وكىلدەرى ارقىلى بارشا ەڭبەككەرلەردى ايتۋلى كۇنمەن قۇتتىقتاپ، ش.قالداياقوۆ اتىنداعى وبلىستىق فيلارمونيادا وتەتىن سالتاناتتى جيىنعا شاقىردى. اتالعان جيىندا ءبىرقاتار ازاماتتار «ەڭبەك ارداگەرى» مەدالى مەن وبلىس اكىمىنىڭ گراموتالارى، العىس حاتتارىمەن ماراپاتتالاتىنىن جەتكىزدى. سونىمەن قاتار، بريفينگتە مەكەمە باسشىسى 8 ايدا اتقارىلعان جۇمىستارى تۋرالى مالىمدەمە جاسادى. وسى ۋاقىتتا باسقارما تاراپىنان وبلىستىڭ كاسىپورىندارى مەن مەكەمەلەرىندە ق ر ەڭبەك زاڭناماسىنىڭ ساقتالۋىن باقىلاۋ ماقساتىندا 617 تەكسەرۋ جۇمستارى جۇرگىزىلگەنىن ايتتى. تەكسەرۋ بارىسىندا 1659 زاڭ بۇزۋشىلىق انىقتالىپ، 11 ميلليوننان استام تەڭگە كولەمىندە 229 ايىپپۇل سالىندى. ال 37 مەكەمەدە 2819 جۇمىسشى الدىندا 204 ملن تەڭگە جالاقى قارىزى انىقتالعان بولسا، ونىڭ بۇگىندە 35 مەكەمەدەگى 2678 جۇمىسشىعا تيەسىلى قارىزى تولەنگەن دەدى، - ب.ەسقارايەۆ. بريفينگتى قورىتىندىلاعان باسقارما باسشىسى الداعى ۋاقىتتا قۇزىرلى ورگاندارمەن بىرلەسە رەيدتتىك شاراعا شىعاتىندارىن حابارلادى.

وقو اكىمىنىڭ باسپا ءسوز قىزمەتى