وڭتۇستىك قازاقستان وبلىسىندا عيماراتى اپاتتى جاعدايدا تۇرعان مەكتەپتەر سانى ازايدى. جىل باسىندا وڭىردە كوميسسيانىڭ شەشىمىمەن راستالعان وسىنداي 46 مەكتەپ بار بولاتىن. بيىل سولاردىڭ 29-ىنىڭ ورنىنا جاڭا عيمارات سالىنىپ جاتىر. جاڭا وقۋ جىلىنا دەيىن ولاردىڭ 20-سى پايدالانۋعا بەرىلەدى.  ماسەلەن، تۇلكىباس اۋدانىندا اپاتتى جاعدايداعى مەكتەپتەردىڭ ماسەلەسى تولىعىمەن شەشىلدى. 400-دەي عانا تۇرعىنى بار قاراتاۋدىڭ بوكتەرىندەگى ءسارىتور اۋىلىندا جاڭا مەكتەپتىڭ اشىلعانىنا اسىرەسە جوعارى سىنىپتا وقيتىن قىزدار قۋانىپ ءجۇر.  كيىم تىگۋمەن اينالىساتىن ۇيىرمە ۇيىمداستىرماقشى. بۇرىنعى مەكتەپتە وعان بولەك كابينەت بولماعان ەكەن. اقتوتى ماديار، وقۋشى  -جاڭا مەكتەبىمىزدە فيزيكا، حيميا كابينەتتەرى جەكە-جەكە بولادى. ال ەڭبەك كابينەتىندە ميشينكالار بار، قىزدارعا ارنالعان. مۇنىمەن كيىم تىزەمىز. كەرەك زاتتارىمىزدى ءساندى ەتىپ، تىگىپ الامىز. تۇلكىباس اۋدانىندا ەكى مەكتەپتىڭ عيماراتىن كوميسسيا اپاتتى جاعدايدا دەپ تانىعان بولاتىن. ەكەۋىنىڭ دە ورنىنا بيىل جاڭا مەكتەپ سالىنىپ، جاڭا وقۋ جىلىن وقۋشىلار جاڭا مەكتەپتە باستاپ وتىر.  ەڭبەك اۋىلىندا ەسكى مەكتەپتى ءسۇرىپ تاستاپ، ورنىنا جاڭا عيمارات سالىندى. اسكەربەك تورەبەكوۆ، ەڭبەك اۋىلىنىڭ تۇرعىنى  ء-بىز جاڭا مەكتەپ دەپ ەمەس، بالالارىمىز ءقاۋىپسىز مەكتەپكە كەلدى دەپ قۋانىپ جاتىرمىز. ەسكى مەكتەپكە جىبەرگەندە قانداي بولادى دەپ ويلانىپ ءجۇرۋشى ەدىك. ەندى جاڭا مەكتەپكە كەلىپ، ءبىر قۋانىپ وتىرمىز. وڭتۇستىك قازاقستان وبلىسىندا بيىل 104 ءبىلىم نىسانىنىڭ قۇرىلىسى جۇرگىزىلدى. ناتيجەسىندە مەكتەبى جوق ەكى اۋىلعا مەكتەپ سالىندى، 24 ءۇش اۋىسىمدى مەكتەپ ۇشەۋگە ازايدى، 13 ىڭعايلاستىرىلعان عيماراتتىڭ ورنىنا جاڭاسى تۇرعىزىلدى.  ەندى الداعى ەكى جىلدىڭ ىشىندە اپاتتى جاعدايداعى مەكتەپتەردىڭ بارلىعىنىڭ ماسەلەسى شەشىلەدى. جەرگىلىكتى بيلىك وعان ەرەكشە نازار اۋدارىپ وتىر. قايرات ابدۋالييەۆ، تۇلكىباس اۋدانىنىڭ اكىمى  -بۇل كەلەشەك ۇرپاق، بالالارىمىزدىڭ قاۋىپسىزدىگى. جالپى، وقۋشىلاردىڭ اپاتتى جاعدايداعى مەكتەپتەردە وقىماۋى، 3 اۋىسىمدى مەكتەپتە وقىماۋى – بۇل ۇلكەن الەۋمەتتىك ماسەلەنىڭ شەشىلۋى. بيىلعى وقۋ جىلىندا وڭىردەگى 1022 مەكتەپتە 602 مىڭنان استام بالا ءبىلىم الادى. ال 70 448 وقۋشى مەكتەپ تابالدىرىعىن العاش رەت اتتاماق.

وقو اكىمىنىڭ باسپا ءسوز قىزمەتى