وبلىستىڭ ەڭ ۇزدىك شاڭىراعى. شىمكەنت قالالىق ارداگەرلەر كەڭەسى تاماشا باستاما – «مەرەيلى وتباسى» بايقاۋىنىڭ جالعاسى رەتىندە يگى شارا ۇيىمداستىردى. «ۇلگىلى وتباسى». ۇلتتىق قۇندىلىقتى ساقتاپ، ءسالت-داستۇردى دارىپتەۋ ءبىرىنشى كەزەككە قويىلعان بايقاۋ وسىلاي دەپ اتالادى. العاشقى سايىستا شىمكەنتتىڭ 7 وتباسى ب ا ق سىنادى. باس جۇلدە – مەلدەحانوۆتار شاڭىراعىندا.

ايەل – ۇيدەگى ىرىسىڭ، ۇل – ايبارلى قىلىشىڭ، قىز – تۇزدەگى ءورىسىڭ، كەلىن – كەڭەيگەن تىنىسىڭ».  قازاق حالقى ىقىلىم زاماننان بەرى وتباسى قۇندىلىعىن جوعارى قويعان. ەلباسىنىڭ باستاماسىمەن قولعا الىنعان «مەرەيلى وتباسى» ۇلتتىق بايقاۋىنىڭ وبلىستىق دەڭگەيدەگى جالعاسى ەرەكشە قىزدى. شىمشاھارداعى 4 اۋداننىڭ تۇرعىندارى قاتىستى.

سەيداحمەت بايداۋلەتوۆ، قازىلار القاسىنىڭ ءتوراعاسى:

بۇل بايقاۋ نەگىزىنەن قالالىق ارداگەرلەر كەڭەسىنىڭ ۇيىمداستىرۋىمەن ءوتىپ جاتىر. ءار اۋداننان ەكى ۇمىتكەر قاتىسادى....

ۇسەنبەكوۆتەر وتباسىنىڭ ماقتانىشى دا، اقىلشىسى دا جاسى ءجۇزدى القىمداعان ۇلبالا اجە. تالاي ناۋبەتتى باستان كەشكەن كونەكوز قاريا ءالى تىڭ. بۇگىنگى بايقاۋدا اجەي جۇننەن ءجىپ ءيىردى.  اۋەلەتە ءان سالدى. ال، ۇلبالا اجەنىڭ كىندىگىنەن تاراعان جالعىز ۇلى ومىربەك بۇگىندە اسىل جارى روزا ەكەۋى 4 ۇل-قىز تاربيەلەپ، ولاردان 13 نەمەرە ءسۇيىپ وتىر.

جانۇيا مۇشەلەرىنىڭ سانى جاعىنان وزگە قارسىلاستارىن شاڭ قاپتىرعان ۇمىتكەرلەردىڭ ءبىرى - ابدۋللايەۆتار وتباسى. تەمىرجولشىلار ديناستياسىنا اينالعان وتباسىنىڭ بۇل سالاداعى جالپىلاي العانداعى ەڭبەك ءوتىلى 400 جىلعا ۇلاسقان.

شاتتىعى تاسىعان شاڭىراق يەسى – توقسان بەستەگى  جۇمان قاريا. سوعىس ارداگەرى. قازىنالى قارت ساحنادا ۇلاعاتتى اڭگىمە ءوربىتىپ، ءبىرقاتار ساۋالدارعا ازىلمەن  جاۋاپ بەردى.

وتباسى – قوعامنىڭ التىن دىڭگەگى. ەلىن، جەرىن سۇيەتىن ازاماتتى قالىپتاستىراتىن ورتا ول – قازاقتىڭ قارا شاڭىراعى. سەبەبى، وتان – وتباسىنان باستالاتىنىن ەسكەرسەك، مۇنداي بايقاۋدىڭ ماڭىزدىلىعى جوعارى.

 "قازاقستان-شىمكەنت" تەلەارناسى