ميلليونعا جۋىق تۇرعىنى بار شىمكەنتتە ءبىلىم كۇنى قارساڭىندا جەتى ءبىلىم بەرۋ نىسانىنىڭ قۇرىلىسى اياقتالىپ، ەل يگىلىگىنە تاپسىرىلعان بولاتىن. جىل سوڭىنا دەيىن 6 بىردەي بالاباقشا اتا-نالاردىڭ يگىلىگىنە تاپسىرىلماق بۇل تۋرالى «قامشى» پورتالى وۇتۇستىك قازاقستان وبلىسى اكىمىنىڭ باسپا ءسوز قىزمەتىنە سىلتەمە جاساي وتىرىپ حابارلايدى.
وقو اكىمشىلىگىنىڭ اقپاراتتارىنا سۇيەنسەك، بۇگىندە شاھارداعى 126 مەكتەپتە 148 مىڭعا جۋىق وقۋشى وقيدى. بۇل وبلىستاعى مەكتەپتەردە ءبىلىم الاتىن 602 مىڭ وقۋشىنىڭ 25 پايىزىنا جۋىعى شىمكەنت قالاسىنداعى مەكتەپتەردە ءبىلىم الادى دەگەندى بىلدىرەدى. بيىل وڭتۇستىك قازاقستاندا مەكتەپ تابالدىرىعىن العاش اتتاعان 70448 وقۋشىنىڭ 21 مىڭنان استامى شىمكەنتتەگى مەكتەپتەرگە قابىلداندى. 2015-2016 وقۋ جىلىندا 1-سىنىپ وقۋشىلارىنىڭ 30 پايىزى وبلىس ورتالىعىنداعى ءبىلىم وشاقتارىندا ءدارىس الماق. مەكتەپكە دەيىنگى ۇيىمداردا بالالاردى قامتۋ كورسەتكىشى 77 پايىزعا جەتتى. شاھارىمىزدا جىل سوڭىنا دەيىن جاڭا التى بالاباقشانىڭ قۇرىلىسى اياقتالماق. بۇل تۋرالى وبلىسى اكىمى مالىمدەگەن. ەلىمىزدەگى ءىرى قالالاردىڭ ساناتىنا ەنگەن شىمكەنت قالاسىندا بۇگىندە 296 مەكتەپكە دەيىنگى ۇيىم بەلسەندى جۇمىس جاساۋدا.
شىمكەنت قالاسى اكىمىنىڭ باسپا ءسوز قىزمەتى
«قامشى» سىلتەيدى
پىكىر قالدىرۋ