جاڭا وقۋ جىلى جاقىنداعاندا رەسپۋبليكا كولەمىندە «مەكتەپكە جول» اكسياسى ءداستۇر بويىنشا وتكىزىلىپ كەلەدى. بيىل دا اتالعان اكسيا اۋ-دانىمىزدا ءوز دارەجەسىندە ءوتتى. اۋداندىق «جاستار سارايىندا» وتكەن جيىنعا اۋدان اكىمىنىڭ ورىنباسارى پ.جاپپارقۇلوۆ باستاعان اكىمدىكتىڭ دەربەس ءبولىم باسشىلارى، مەكتەپ ديرەكتورلارى، دەمەۋشىلەر، ارداگەرلەر مەن ءتۇرلى ۇيىم قىزمەتكەرلەرى قاتىستى. قامقورلىق اكسياسىنىڭ ماقساتى-بالالاردىڭ جازعى دەمالىستان كەيىنگى جاڭا وقۋ جىلىن جاقسى كوڭىل-كۇي، جاڭا قارقىن، بىلىمگە دەگەن قۇشتارلىعى مەن اسىعا كۇتكەن التىن ۇيا مەكتەبىنە ساعىنىش سەزىمىن ۇيالاتۋ بولاتىن. جيىندى اۋدان اكىمىنىڭ ورىنباسارى پ.جاپپارقۇلوۆ اشىپ، بۇل اكسيا 1-قىركۇيەك پەن 30-قىركۇيەككە دەيىن جالعاسىن تاباتىندىعىن جەتكىزىپ، الدا كەلە جاتقان «ءبىلىم كۇنى» مەرەكەسىمەن قۇتتىقتاپ، جامبىل اتىنداعى مەكتەپ-ليسەيىنىڭ وقۋشىسى ارۋجان قالتايعا مەكتەپكە قاجەتتى كيىمدەرى مەن وقۋ قۇرالدارىن تابىس ەتتى. بيىل اتالعان اكسيانىڭ ارقاسىندا اۋدانىمىزداعى از قامتىلعان كوپبالالى وتباسىلارىنان 196 بالا وقۋعا قاجەتتى كيىم-كەشەكتەر مەن وقۋ قۇرالدارىمەن قامتاماسىز ەتىلدى. اكسيا سوڭى مەكتەپ وقۋشىلارىنىڭ ازىرلەگەن كونسەرتتىك باعدارلاماسىنا ۇلاسىپ، يگى ءىس-شارا ۇيىمداستىرىپ، دەمەۋشىلىك كورسەتكەن اعا-اپالا-رىنا شەكسىز العىس بىلدىرگەن وقۋشىلاردىڭ جۇزىنە قۋانىش ۇيالادى.

ش.قوجان

 «قامشى» سىلتەيدى