1-قىركۇيەك-«ءبىلىم كۇنى» مەرەكەسى بارلىق مەكتەپتەردە سالتاناتتى تۇردە ءوتىپ، العاشقى قوڭىراۋ ءۇنى سىڭعىرلادى. اۋدان اكىمى «ءبىلىم كۇنى» مەرەكەسىمەن قۇتتىقتاۋ ءۇشىن اتباسىن ش.قالداياقوۆ اتىنداعى مەكتەپ-گيمنازياسىنا بۇردى. ەلىمىزدىڭ انۇرانىمەن باستالعان سالتاناتتى جيىنعا قر-نىڭ تۋى مەن مەكتەپ -گيمنازيانىڭ تۋى اكەلىندى. وتكەندى سارالاپ، بولاشاققا بارلاۋ جاساۋ ماقساتىندا ءسوز العان اتالعان ءبىلىم ورداسىنىڭ باسشىسى ح.قىلىشبايەۆا بايانداما جاساپ، ۇستازدار مەن وقۋشىلاردى بۇگىنگى مەرەكەلەرىمەن شىن جۇرەكتەن قۇتتىقتادى. مەرەكەگە ارنايى كەلگەن اۋدان اكىمى س.پولاتوۆ شاكىرتتەر مەن جيىلعان كوپشىلىكتى ءبىلىم سالاسىنداعى سوڭعى وزگەرىستەرمەن تانىستىرىپ، ءوزىنىڭ جۇرەكجاردى تىلەكتەرىن جەتكىزىدى. سالتانات ۇستىندە قۇرمەتتى قوناقتار، ارداگەر ۇستازدار، ۇزدىك وقۋشىلار مەكتەپ تابالدىرىعىن جاڭادان اتتاعان 1-سىنىپ وقۋشىلارىنا ەلباسىمىز ن.ءا.نازاربايەۆتىڭ «مەنىڭ وتانىم-قازاقستان» اتتى كىتابىن سىيعا تارتتى. بىلىكتى ۇستاز ا.مەيىرمانوۆا جەتەكشىلىك ەتەتىن 1-سىنىپ بۇلدىرشىندەرى تاقپاقتارىن ايتسا، 11-سىنىپ وقۋشىسى قارشىعا ءالجان ىستىق لەبىزىن ءبىلدىرىپ، ءوزىنىڭ قۇربى-قۇرداستارىن ءبىلىمدى بولۋعا شاقىرادى. جاڭا وقۋ جىلىنداعى العاشقى قوڭىراۋ سوعۋ قۇرمەتىنە 1-سىنىپ وقۋشىسى قاراقات بازاربەك پەن 11-سىنىپ وقۋشىسى سەرىكباي ءابدىحان يە بولدى. مەكتەپ ومىرىندەگى ەرەكشە جيىن سالتاناتتى جاعدايدا جابىلىپ، وقۋشىلار بىر-بىرىمەن قاۋىشىپ، سىنىپتارىنا ساعىنىش سەزىممەن قادام باستى. * * * «ءبىلىم كۇنى» مەرەكەسىن جامبىل اتىنداعى مەكتەپ-ليسەيىنىڭ ۇجىمى دا سالتاناتتى جاعدايدا اتاپ ءوتتى. العاشقى ءسوزدى مەكتەپ-ليسەيدىڭ ديرەكتورى ت.سارسەنبايەۆ الىپ، وتكەن وقۋ جىلىنداعى جەتكەن جەتىستىكتەرگە توقتالا كەلە، الداعى ۋاقىتتا وسى تۇرعىدان تايماي جۇمىس جاساۋ كەرەكتىگىن تىلگە تيەك ەتتى. مەرەكەلىك جيىندا ءسوز العان اۋدان اكىمى س.پولاتوۆ، ءشاۋىلدىر اۋىلدىق ارداگەرلەر كەڭەسىنىڭ جانە مەكتەپتەگى اتا-انالار كوميتەتىنىڭ ءتوراعاسى م.تەمىربەكوۆتەر جىلى لەبىزدەرىن ءبىلدىرىپ، وقۋشىلارعا وقۋدا وزات بولۋلارىن تىلەدى. ۇزدىك وقۋشىلار اتىنان 11-سىنىپ وقۋشىسى سابينا ءجۇنى-سوۆا ءسوز الىپ، «ءبىلىم كۇنى» مەركەسىمەن سالتاناتقا قاتىسۋشى قاۋىمدى قۇتتىقتادى. جيىن بارىسىندا اۋەلەگەن اندەر شىرقالىپ، 1-سىنىپ بۇلدىرشىندەرى ولەڭ-جىردان شاشۋ شاشتى. شاتتىقتىڭ ۇنىندەي ماڭگىلىك، سوعىلسىن، قوڭىراۋ سوعىلسىن. قۋانىش انىندەي جاڭعىرىپ، جۇرەكتەر اق نۇرعا شومىلسىن،- دەپ اقىن جىرلاعانداي، العاشقى قوڭىراۋ سوعىلىپ، وقۋشىلار قۋانىشتى جۇزدە سىنىپتارىنا بەت الدى. * * * مەملەكەت جانە قوعام قايراتكەرى وزبەكالى جانىبەكوۆ اتىنداعى جالپى ورتا ليسەي-ينتەرناتىندا العاشقى قوڭىراۋ سوعىلدى. مۇنتازداي تاپ-تازا كيىنگەن وقۋشىلار ساپ تۇزەپ، مەكتەپ الدىنا جينالعان سوڭ ليسەي-ينتەرنات ديرەكتورى ءادىلحان ارىپبەكوۆ بايانداما جاساپ، جاڭا وقۋ جىلىمەن قۇتتىقتادى. قۇرمەتتى قوناقتار اراسىندا ءشاۋىلدىر اۋىل وكرۋگى اكىمدىگىنىڭ باس مامانى س.ايجارىقوۆ، ۇلاعاتتى ۇستاز، زەينەتكەر ا.وردابايەۆ، جەكە كاسىپكەر ا.اسانوۆ، وزبەكالى جانىبەكوۆ اتىنداعى مۇراجاي ديرەكتورى ت.ابىكەيەۆ جانە وسى جولداردىڭ اۆتورى قاتىستى. اۋداندىق ءبىلىم ءبولىمىنىڭ باسشىسى ج.مۇساتايەۆا: -بيىلعى وقۋ جىلى ەرەكشە سەرپىلىسپەن، ەرەكشە تانىمدىق تاربيەمەن باستالعالى تۇر. «ماڭگىلىك ەل» ۇلتتىق يدەياسى كونتەك-سىندە «100 ناقتى قادام» ۇلت جوسپارىن ءبىلىم بەرۋ ۇردىسىنە ەنگىزۋ ماقساتىندا ارنايى ادىستەمەلىك ۇسىنىستار ازىرلەنىپ جاتىر.بۇل وقۋشىلاردىڭ جان-جاقتى ساۋاتتى بولۋىنا، ءوز ەلىنىڭ پاتريوتى، دامىعان تۇلعا بولىپ شىعۋىنا نەگىز بولادى. بۇگىن تۇڭعىش رەت مەكتەپ تابالدىرىعىن اتتاعان بۇلدىرشىندەرگە ساباقتا العىر، قوعامدىق جۇمىستاردا بەلسەندى بولۋلارىڭا تىلەكتەسپىن،-دەپ ءسوزىن تۇيىندەدى. جيىن كەزىندە اندەر شىرقالىپ، تاقپاقتار ايتىلدى. سالتاناتتى جيىن سوڭىندا مەملەكەتتىك ءانۇراننىڭ اۋەنىنە قوسىلعان وقۋشىلاردىڭ قۋانىش-تارىندا شەك بولمادى. توپەن امىربەك. شولپان دۇتبايەۆا. رايحان دودابايەۆا.  التىن كۇزدىڭ العاشقى كۇنىندە كەڭ كولەمدە اتاپ وتىلەتىن «ءبىلىم كۇنى» مەرەكەسى، جاڭا وقۋ جىلىنىڭ باستالۋى ءبىزدىڭ «كوكماردان» جالپى ورتا مەكتەبىندە دە سالتاناتتى جاعدايدا اتاپ ءوتىلدى. مەكتەپتىڭ 11-سىنىبىنىڭ وقۋشىلارى رە¬تىندە ۇلكەن ۇمىتتەرمەن قادام باسىپ وتىرعان قازىنا ماحانبەت پەن ب ا ق¬تيار مومىنداردىڭ شەبەر جۇرگىزۋلەرىمەن وتكىزىلگەن سالتاناتتا بيىلعى تۋ ۇستاۋ قۇرمەتىنە سىرىم تۇرلىبەك، ايدانا ءالماحان مەن اقتولقىن ماحانوۆالار يە بولسا، ءبىلىم ورداسىنىڭ بىلىكتى باسشىسى عاني امەتبەكوۆ وتكەن وقۋ جىلىنداعى جەتىستىكتەردى، الداعى اۋقىمدى مىندەتتەردى اسەرلى اڭگىمەسىنە ارقاۋ ەتتى. اۋەلەگەن ءان مەن مىڭ بۇرالا بيلەگەن بيلەرمەن جينالعان جۇرتشىلىقتى باۋراپ العان «ءبىلىم كۇنى» مەرەكەسىندە اۋداندىق ءبىلىم ءبولىمىنىڭ جاۋاپتى قىزمەتكەرى سەرعازى ىرىسباي، تالاپتى اۋىل وك¬رۋگىنىڭ اكىمى قامبارحان سەرجانوۆ، مەكتەپكە ءاردايىم دەمەۋشىلىك جاساپ جۇرەتىن يماندى ازا¬مات، اۋداندىق ءماسليحاتتىڭ دەپۋتاتى قۇتتىبەك نۇرقۇلوۆ پەن اۋىلدىڭ ابىرويلى قاريالارى، اۋدا¬نىمىزدىڭ قۇرمەتتى ازاماتتارى نۇرماحان تاس¬بو¬لاتوۆ، ابىلاي بەيسەنبييەۆ اعالارىمىز وزدەرىنىڭ جۇرەكجاردى ىستىق لەبىزدەرىن ورتاعا سالىپ، ۇس¬تازدار مەن شاكىرتتەرگە جاڭا وقۋ جىلىندا دا تا¬بىستارعا جەتە بەرىڭىزدەر دەگەن تىلەكتەرىن ءبىل¬ءدىرىستى. بارلىق جاراسىمدى سان-سالتاناتىمەن اتالىپ وتىلگەن قۋانىشتى مەرەكەدە 11-سىنىپتىڭ ۇزدىك وقۋ¬شىلارى نۇرساۋلەت بايكەنجە، سالتانات ءجانادىل مەن تەڭگەش كوشەربايلارمەن بىرگە 1-سىنىپتا سا¬پالى ءبىلىم، سانالى تالىم-تاربيە الۋ جولىندا مەكتەپ ەسىگىن اشىپ وتىرعان سانجار زۇلقارناي، زەرە نۇران جانە ايبەك قوشقاربايلار جاڭا وقۋ جى¬لىنداعى العاشقى قوڭىراۋ سوعۋ سالتاناتىندا مەرەكەگە كەلگەن قوناقتار مەن ۇستازدارىن قۋانىشقا كەنەلتتى. ۇستاز رەتىندە جاڭا وقۋ جىلىندا تىڭ تابىستارعا جەتە بەرۋ جولىندا ارىپتەستەرىم مەن شاكىرتتەرىمە ساتتىلىكتەر تىلەي بەرەمىن. پەريزات قۇتتىبايەۆا، «كوكماردان» جالپى ورتا مەكتەبى قازاق ءتىلى مەن ادەبيەتى ءپانىنىڭ ءمۇعالىمى.