سايرام ايماعى بويىنشا اۋدانارالىق مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل باسقارماسى سايرام اۋداندىق ىشكى ساياسات بولىمىمەن بىرلەسە وتباسى كۇنى قارساڭىندا اقسۋكەنت كوپسالالى كوللەدجىندە «وتباسى – وتانىمىزدىڭ تىرەگى» تاقىرىبىندا مەرەكەلىك ءىس-شارا وتكىزدى. بۇل تۋرالى «قامشى» پورتالى وڭتۇستىك قازاقستان وبلىسى، سايرام اۋداندىق اكىمشىلىگىنىڭ باسپا ءسوز قىزمەتىنە سىلتەمە جاساي وتىرىپ حابارلايدى.
وعان «نۇر وتان» پارتياسى سايرام اۋداندىق فيليالى مەن حقكو جانە «جاستار ورتالىعى» مەكەمەسىنىڭ جاۋاپتى جانە لاۋازىمدى تۇلعالارى قاتىستى. ءىس-شارا بارىسىندا «حاليد-سالار» قوعامدىق بىرلەستىگىنىڭ ءتورايىمى ف.بايزاقوۆا وتباسى قۇندىلىعىن ناسيحاتتاۋ، وتانعا دەگەن سۇيىسپەنشىلىكتى ارتتىرۋ جانە وتباسى-نەكە قارىم-قاتىناستارى جونىندە بايانداما جاساسا، كوللەدجدىڭ جاستار ۇيىمىنىڭ ءتوراعاسى ب.اسلان جاستار ماسەلەسى تۋرالى حابارلامالار جاساپ، تاقىرىپقا ساي بەينەروليكتەر كورسەتىلدى.
ءىس-شارانىڭ سوڭى كونسەرتتىك باعدارلاماعا ۇلاسىپ، «حاليد-سالار» قوعامدىق بىرلەستىگىمەن ارنايى شاقىرتىلعان كوركەمونەرپازدار ءوز ونەرلەرىن كورسەتتى.
ءىس-شارانىڭ ماقساتى – ەلباسىنىڭ باستاماسىمەن وتكىزىلىپ جاتقان رەسپۋبليكالىق «مەرەيلى وتباسى» كونكۋرسىن ناسيحاتتاۋ جانە جاستاردى وتانسۇيگىشتىك پەن پاتريوتتىق سەزىمگە باۋلۋ.
«قامشى» سىلتەيدى
پىكىر قالدىرۋ