جاقىندا وڭتۇستىك قازاقستان وبلىسى، سوزاق اۋدانىندا وتباسى كۇنىنە وراي اۋداندىق ورتالىق كىتاپحانانىڭ ۇيىمداستىرۋىمەن «بەرىك وتباسى-ەل بەرەكەسى» تاقىرىبىندا دوڭگەلەك ۇستەل وتكىزىلدى. بۇل تۋرالى «قامشى» پورتالى وقو، سوزاق اۋداندىق اكىمشىلىگىنىڭ رەسمي سايتىنا سىلتەمە جاساي وتىرىپ حابارلايدى. ونداعى اقپاراتتارعا سۇيەنسەك، سوزاق اۋداندىق كىتاپحاناسىندا وتكەن دوڭگەلەك ۇستەلگە زيالىق قاۋىم وكىلدەرىمەن قاتار، جاس بۋىننىڭ دا وكىلدەرى قاتىسقان.
ايتا كەتەيىك، مەرەكەلىك شاراعا قۇلىنشاق كەمەل ۇلى اتىنداعى شىعارماشىلىق بىرلىستىگىنىڭ ءتوراعاسى م.اسقاروۆ، مۇشەلەرى م.قارعاباي، ب.سارجان جانە مەكتەپ ۇستازدارى، اجەلەر كەڭەسىنىڭ مۇشەلەرى قاتىستى. «اتاشىم-بەرەكەم»، «اجە ءۇيدىڭ شىرىعى» «اكە –اسقار تاۋ»، اناشىم ارداعىم»، «اعانىڭ ورنى»، «اسىل جەنگە»، «سىرعالىم»، تاقىرىپتارىندا ۇلت تاقىرىپ، ۇرپاق تاربيەسى تاقىرىبىندا ونەگەلى اڭگىمەلەر، كورنەكتى ويلار ورتاعا سالىندى.  ەسكەرتە كەتەيىك، sozak.gov.kz  سايتىنىڭ جازۋىنشا، قازاقستاننىڭ تۇكپىر-تۇكپىرىندە «وتباسى» كۇنىنە وراي ءتۇرلى مەرەكەلىك شارالار ۇيىمداستىرىلۋدا. وسى مەرەكە قارساڭىندا سوزاقتىقتار، ادەمى رۋحاني وتىرىس، دوڭگەلەك ۇستەل ۇيىمداستىرعان.

سونداي-اق، كىتاپحانا قىزمەتكەرى ساۋلە بورانشييەۆا كىتاپحاناعا كەلىپ تۇسكەن جاڭا كىتاپتارعا شولۋ جاساپ، وتباسى تاقىرىبىنداعى اڭگىمەلەرمەن ماقالارعا شولۋ جاسادى. شارانى كىتاپحانا قىزمەتكەرى گۇلنار ومىربەك جۇرگىزىپ وتىردى.
ءبىرجان جانداۋلەتوۆ