1 قىركۇيەك ءبىلىم كۇنى سوزاق اۋدانىندا ءۇش بىردەي ءبىلىم ورداسى اشىلدى. سوزاق اۋىلىنداعى 600 ورىندىق ناۋاي جالپى ورتا مەكتەبى، شۋ ەلدى مەكەنىندەگى 150 ورىندىق ج. قالامبايەۆ مەكتەبى جانە قاراعۇر اۋىلىنا قاراستى شاعا ەلدى مەكەندەگى 150 ورىندىق س. باقبەرگەنوۆ مەكتەبى پايدالانۋعا بەرىلدى. 
ءا. ناۋاي مەكتەبىنىڭ اشىلۋ سالتاناتىنا قاتىسقان اۋدان اكىمى م. يسايەۆ: «بۇگىنگە دەيىن سۋىندىق ورتا مەكتەبىنىڭ قۇرىلىس جۇمىستارى اياقتالىپ، پايدالانۋعا بەرىلگەن بولاتىن.  مىنە بۇگىن اۋدانىمىزدا ءۇش بىردەي جاڭا مەكتەپ،  ج. قالامبايەۆ (شۋ اۋىلى)، س. باقبەرگەنوۆ (شاعا ەلدى مەكەنى)، ناۋاي (سوزاق اۋىلى) جالپى ورتا مەكتەپتەرىنىڭ قۇرىلىسى اياقتالىپ، 1 قىركۇيەك  ءبىلىم كۇنى مەرەكەسىندە، پايدالانۋعا بەرىلىپ وتىر. ءبىلىم بەرۋ سالاسى مەملەكەتىمىزدىڭ ۇلكەن قولداۋىندا ەكەندىگى بەلگىلى. اۋدانىمىزدا جاڭا ءبىلىم وشاقتارى سالىنۋ جۇمىستارى مۇنىمەن توقتالىپ قالمايدى. ماسەلەن  اققولتىق،  اباي ەلدى مەكەندەرىندەگى  ۋاليحانوۆ، يمانوۆ جالپى ورتا مەكتەپتەرىنىڭ قۇرىلىس جۇمىستارى باستالدى، كەلەر وقۋ جىلىندا پايدالانۋعا بەرىلەدى. بۇگىنگى تاڭدا ءبىلىم وشاقتارىنىڭ 91 پايىزى تيپتىك مەكتەپتە ورنالاسقان. بۇل تۇرعىدان وبلىستا ءبىرىنشى ورىندامىز» دەي كەلە اۋىل تۇرعىندارىن جاڭا عيماراتتىڭ اشىلۋىمەن قۇتتىقتاپ، جاس تۇلەكتەرگە جاڭا وقۋ جىلىندا ساتتىلىك تىلەدى. مەرەكە كۇنىمەن قۇتتىقتاعان اۋداندىق ماسليحاتتىڭ حاتشىسى ب. بايعارايەۆ، اۋىلدىق ارداگەرلەر كەڭەسىنىڭ ءتوراعاسى ءو. بورعازييەۆ، وقۋشىلاردىڭ جان-جاقتى ءبىلىم الۋىنا بارلىق جاعداي جاسالعان ءزاۋلىم ءبىلىم ورداسىنىڭ اشىلۋىنا قۋانىشتى ەكەنىن ءبىلدىرىپ، ءبىلىم سالاسىنا ەلباسىنىڭ كورسەتىپ وتىرعان قولداۋىنىڭ زور ەكەنىن اتاپ ءوتتى. 
سوزاق اۋىلىندا سوعىلعان 600 ورىندىق ءا. نوۆاي ورتا مەكتەبىنىڭ قۇرىلىسىن «وبل.شتابسسو» مەردىگەر كومپانياسى جۇرگىزگەن. مەكتەپ قۇرىلىسى جىلى وتكەن جىلى باستالىپ، جاڭا وقۋ جىلىندا تولىقتاي اياقتالدى. 3،2 جەر تەلىمەن الىپ جاتقان مەكتەپ عيماراتىنىڭ اۋماعى 6023،07 م2 قۇراپ وتىر. مەكتەپتىڭ تەحنيكالىق بازىسى سوڭعى ۇلگىدەگى جابدىقتارمەن قامتاماسىز ەتىلگەن. بارلىق كابينەت سوڭعى ۇلگىدەگى جابدىقتارمەن قامتاماسىز ەتىلىپ، ءزاۋلىم سپورت عيماراتى، ينتەراتيۆتىك تاقتا، مۋلتيمەديا-لينگافون كابينەتتەرى ورنالاقان. 
سونداي-اق، ءدال وسى ءبىلىم كۇنى شۋ اۋىلىنداعى ج. قالامبايەۆ، قاراعۇر اۋىلىنا قاراستى شاعا ەلدى مەكەندەرىندە س. باقبەرگەنوۆ اتىنداعى جاڭا مەكتەپتەردىڭ اشىلۋ سالتاناتتى ءوتتى. اتالعان شاراعا اۋدان اكىمىنىڭ ورىنباسارلارى س. ەدەنبايەۆا مەن ب. الماعانبەت قاتىسىپ اۋىل تۇرعىندارىن جاڭا عيماراتتىڭ اشىلۋىمەن قۇتتىقتاپ، مەكتەپ وقۋشىلارىنا يگى تىلەكتەرىن ارنادى. 
سوزاق اۋدانىندا جاقىن ارادا دەمەۋشىلەر ەسەبىنەن سالىنعان تاستى اۋىلىنداعى 80 ورىندىق، قۇمكەنت 70 ورىندىق جەكەمەنشىك بالاباقشا جانە سۋىندىق پەن شاعا ەلدى مەكەندەرىندە ەسكى مەكتەپتىڭ عيماراتى بالاباقشا ەسەبىندە قايتادان اشىلاتىن بولدى. 
اۋدانى اكىمىنىڭ باسپا ءسوز قىزمەتى

«قامشى» سىلتەيدى