جولداۋ-2012 الەۋمەتتىك سالاداعى جاڭعىرتۋ ۇدەرىستەرىنە قۋاتتى سەرپىن بەردى. الايدا، ءىس جۇزىندە ازىرشە پروبلەماتيكالاردىڭ ەڭ ۇستىڭگى «قاباتى» عانا «اشىلدى». وسى سەبەپتى، ولار ودان ءارى شەشۋدى قاجەت ەتەدى. بۇل تۋرالى "قامشى" پورتالى قازاقپاراتقا سىلتەمە جاساي وتىرىپ حابارلايدى.

سوندىقتان، الەۋمەتتىك جاڭعىرتۋدىڭ بارلىق مەملەكەتتىك ورگاندار باسشىلىققا الۋى ءتيىستى بارلىق ۇدەرىستەرىن ءتۇسىنۋدىڭ ءبىرتۇتاس ءپىشىنىن ايقىنداۋ ماڭىزدى. جانە بۇل تۇسىنىك بارشا حالىققا قولجەتىمدى بولۋى ءتيىس.

مەن ءوزىمنىڭ بولاشاقتى قالاي كورەتىنىممەن بولىسەيىن.

بۇگىندە الەۋمەتتىك جاڭعىرتۋدىڭ ماقسات­تار­ى مەن ءمانى قوعامدى جاڭا يندۋستريالىق-يننوۆاسيالىق ەكونوميكا جاعدايىنداعى ومىرگە دايىنداۋدان، قازاقستاننىڭ ۇدەمەلى ەكونو­مي­كا­لىق دامۋى مەن قوعامدىق يگىلىكتەرمەن كەڭ كو­لەم­ءدى قامتاماسىز ەتۋ اراسىنداعى وڭتايلى تەپە-تەڭ­دىكتى تابۋدان، قۇقىق پەن ادىلەتتىلىك قاعيدات­تارى­نا نەگىزدەلگەن الەۋمەتتىك قاتىناستاردى بەكىتۋدەن تۇرادى.

جاڭعىرتۋ ۇدەرىستەرى شەڭبەرىندە قانداي ما­ڭىز­دى مىندەتتەردى شەشۋ قاجەت؟ بۇل ءتىزىم قۇرعاق جانە ۇزاق-سونار كورىنۋى مۇمكىن، ءبىراق ونى اتاپ ايتقان ءجون.

● جانجالدى جاعدايلاردى ەسكەرتۋدىڭ، رەتتەۋ مەن شەشۋدىڭ ادىلەتتى زاڭدارى مەن ناقتى قۇقىقتىق نورمالارىن، سونداي-اق الەۋمەتتىك قاتىناستاردىڭ بارلىق جۇيەسىنىڭ قىزمەتىن قابىلداپ، ىسكە قوسقان ۇتىمدى.

● قازاقستاندىقتاردىڭ ساپالى الەۋمەتتىك ۇلگى-قالىپتارى مەن كاسىبي بىلىكتىلىگى جۇيەسىن، اسىرەسە ەكونوميكالىق بەلسەندى تۇرعىنداردىڭ اراسىندا جاساپ ەنگىزۋ مىندەتى تۇر.

● نەگىزىندە مەملەكەتتىڭ، جەكە سەكتور مەن كاسىبي بىرلەستىكتەردىڭ ارىپتەستىك مەحانيزمدەرى بولاتىن الەۋمەتتىك-ەڭبەك قارىم-قاتى­نا­سى­نىڭ ءتيىمدى مودەلىن قۇرۋ ماڭىزدى.

● قازاقستاندىقتاردىڭ ومىرىندە ءوزىن ءوزى ۇيىمداستىرۋ، ونىڭ ىشىندە جەرگىلىكتى ءوزىن ءوزى باسقارۋ ورگاندارى باستاۋىن دامىتىپ، ازامات­تار­دىڭ الەۋمەتتىك باستامالارىن جۇزەگە اسىرۋدا ناقتى تەتىك بولۋى ءتيىستى ازاماتتىق قوعام ينستيتۋتتارىن «زامانالىققا اينالدىرۋ» كەرەك.

● قازاقستان قوعامى ءومىرىنىڭ اقپاراتتىق قۇرامداسىن ءبىرشاما جوعارىلاتىپ، ينتەرنەت-تەحنولوگيانىڭ مۇمكىندىكتەرىن ازاماتتاردى اقپا­رات­تاندىرۋ، سونداي-اق مەملەكەت پەن تۇرعىن­دار­دىڭ تۇراقتى «كەرى بايلانىسىن» نىعايتۋ ماسەلەلەرىندە دە كەڭەيتۋ مىندەتى تۇر.

● ورتا تاپتىڭ ۇزدىكسىز وسۋىنە، يننوۆاسيالىق ەكونوميكانىڭ باستى قوزعاۋشى كۇشى - كرەاتيۆتى تاپتىڭ پايدا بولۋى مەن دامۋىنا جاعداي جاساۋ ماڭىزدى.

● ماسىلدىق پەن الەۋمەتتىك ينفانتيليزم سەكىلدى قۇبىلىستاردى ەڭسەرىپ، جەكە ادام مەن بيز­نەس­ءتىڭ جوعارى جاۋاپكەرشىلىگىنە، بارلىق ەڭبەك سۋبەكتىلەرىنىڭ مەملەكەتكە قاتىستى ارىپتەستىك ءوزارا قارىم-قاتىناسىنا نەگىزدەلگەن ەڭبەك قىز­مەتى مەن يگىلىككە جاڭا تارتىمدىلىق ەنگىزۋ قاجەت.

● جاڭعىرتۋدىڭ ماڭىزدى اسپەكتىسى - قازاقستاندا بيلىكتىڭ بارلىق دەڭگەيىندەگى ساراپشىلار مەن مەنەدجەرلەردىڭ كاسىبي كورپۋسىمەن «تىگىنەن» جانە «كولدەنەڭىنەن» قۇرىلعان الەۋمەتتىك ۇدەرىستەردەگى ءتيىمدى مەملەكەتتىك باسقارۋ جۇيەسىن قۇرۋ.

مىنە، بارلىق مەملەكەتتىك ورگاندار وسى مىندەتتەردى شەشۋگە باعدارلانۋى ءتيىس.