16-شى تاپسىرما
1. سپورت جانە دەنە شىنىقتىرۋ ىستەرى اگەنتتىگى:
- ۇلتتىق لوتەرەيانى دامىتۋ جۇيەسىنىڭ جاڭا ءتيىمدى مودەلىن ۇسىنسىن؛
- قازاقستاندىق كوماندالاردىڭ شەت ەلدەر چەمپيوناتتارىنىڭ جوعارى ليگالارىنا (سپورتتىڭ ءار ءتۇرى بويىنشا) قاتىسۋىن ۇلعايتۋ جونىنەن ۇسىنىس ەنگىزسىن.
2. سپورت جانە دەنە شىنىقتىرۋ ىستەرى اگەنتتىگى مادەنيەت جانە اقپارات مينيسترلىگىمەن بىرلەسىپ مامانداندىرىلعان سپورتتىق تەلەديدار ارناسىن قۇرۋ جونىندە ۇسىنىس ەنگىزسىن.
3. سپورت جانە دەنە شىنىقتىرۋ ىستەرى اگەنتتىگى ءبىلىم جانە عىلىم ءمينيسترلىگىمەن بىرلەسىپ الماتىدا وتەتىن قىسقى ۋنيۆەرسيادا-2017 قارساڭىندا ستۋدەنتتىك جانە بالالار مەن جاسوسپىرىمدەر سپورتىن دامىتۋ جانە ستۋدەنتتەر مەن جاسوسپىرىمدەر كلۋبىن قۇرۋ جونىندە ۇسىنىس ەنگىزسىن.
d) حالىقتى الەۋمەتتىك قورعاۋ جانە بەيىمدەۋ جۇيەسىن دامىتۋ.
قازاقستاندىقتاردىڭ ءومىر ءسۇرۋ ۇزاقتىعىن ارتتىرۋ، دەمەك - زەينەت جاسىنداعى، ءبىراق ەڭبەككە قابىلەتتى جاستاعى ادامدار سانىن ارتتىرۋ دەنساۋلىق ساقتاۋدى دامىتۋدىڭ ناقتى ناتيجەسى بولىپ تابىلادى.
بۇگىندە ءبىرقاتار ەلدەر زەينەتاقىمەن قامتاماسىز ەتۋدە زەينەتكەرلىك جاستىڭ دەڭگەيىن ۇلعايتۋ باعىتىنداعى كوزقاراستاردى قايتا قاراستىرۋدا.
بەك-كە مۇشە ەلدەردە زەينەتاقى جاسىنىڭ بىر-بىرىمەن سايكەسپەيتىندىگىنە نازار اۋدارۋ قاجەت.
حالىقتىڭ الەۋمەتتىك ءالسىز توپتارىنا جاتاتىن ازاماتتاردى الەۋمەتتەندىرۋ تەتىگىن دامىتۋ قاجەت.
بۇل، ءبىرىنشى كەزەكتە، مۇگەدەكتەر مەن مۇمكىندىگى شەكتەۋلى ادامدار، كوپ بالالى وتباسىلار مۇشەلەرى، زەينەت جاسىنداعى ادامدار جانە ت.س.س.
سونىمەن بىرگە، نەگىزگى كوزقاراس مەملەكەت قامقورلىعى ەمەس، وسى ازاماتتاردىڭ وزدەرىنە، وزدەءرىنىڭ الەۋمەتتىك پايدالى ەڭبەككە جارامدىلىعىنا دەگەن سەنىمگە يە بولۋلارىنا كومەكتەسەتىندەي جاعداي جاساۋ.
بۇل تۇرعىدا ارنايى زاڭناما، ماسەلەن، الەۋمەتتىك جۇمىس ورىندارى تۋرالى زاڭ قاجەت.
كامەلەتكە تولماعان بالالاردى تاربيەلەپ جۇرگەن كوپ بالالى وتباسىلار مەن ايەلدەرگە قولداۋ كورسەتۋدىڭ وبەكتەۋسىز جۇيەسىن قۇرۋدىڭ ماڭىزى زور.
ال بىزدە كەيبىر «قۋشىكەش» جۇمىس بەرۋشىلەر ايەلدەردى جۇمىسقا قابىلداعان كەزدە بىردەن ەكى ءوتىنىش الادى - جۇمىسقا قابىلداۋ جانە جۇمىستان بوساتۋ تۋرالى، ەگەر جۇكتى بولا قالسا دەگەن ويمەن. بۇل ماسقارا!
17ء-شى تاپسىرما
1. ق ر ۇكىمەتى 2012 جىلدىڭ 1 قىركۇيەگىنە دەيىن:
- «نۇر وتان» حدپ-مەن بىرلەسىپ «الەۋمەتتىك جۇمىس ورىندارى تۋرالى» ارنايى زاڭدى ازىرلەۋ تۋرالى ماسەلەنى قاراستىرسىن؛
- ەكى اي مەرزىم ىشىندە ق ر پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيامەن بىرلەسىپ اتا-انالاردىڭ بالالارىنىڭ بالاباقشالاردا بولۋىن تولەۋ جونىندەگى شىعىندارىنىڭ، ولاردىڭ وتباسىنداعى سانىنا بايلانىستى، ءبىر بولىگىنە وتەماقى تولەۋدى، بالا كۇتىمى بويىنشا دەمالىستان سوڭ قايتادان جۇمىسقا شىققان ايەلدەرگە مەملەكەت ەسەبىنەنبىلىكتىلىگىن ارتتىرۋ جانە قاجەتتى جاڭا ماماندىق الۋ مۇمكىندىكتەرىن، ق ر سالىق كودەكسىنە كوپ بالالى وتباسىلار ءۇشىن تابىس سالىعى بويىنشا جەڭىلدىكتەر تۋرالى ەرەجەلەردى جانە باسقالاردى زاڭدى تۇرعىدا رەتتەۋ ماسەلەلەرىن قاراستىرسىن.
2. ق ر ۇكىمەتى ق ر پرەزيدەنتى جانىنداعى جاستار ساياساتى جونىندەگى كەڭەسپەن بىرلەسىپ:
- «مەملەكەتتىك جاستار ساياساتى تۋرالى» ق ر زاڭىنا جاس ماماننىڭ ءمارتەبەسىن قۇقىقتىق ايقىنداۋ،ونىڭ ەڭ تومەنگى الەۋمەتتىك پاكەتى جانە باسقا دا ماسەلەلەر بويىنشا وزگەرىستەر ەنگىزۋ تۋرالى زاڭدى قاراستىرسىن؛
- 2012 جىلدىڭ سوڭىنا دەيىن جاستاردى تەحنيكالىق جانە كاسىپتىك ءبىلىم الۋعا جانە يندۋستريالاندىرۋ باعدارلاماسىنا قاتىسۋعا ىنتالاندىرۋ مەن تارتۋدىڭ ناقتى شارالارىن ازىرلەسىن.
باستى باعىت - جاس قازاقستاندىقتاردى دەربەس ومىرگە، باستاماشىل ەڭبەككە بەيىمدەۋدىڭ ءتيىمدى جۇيەسىن قۇرۋ.
مەن جاس ۇرپاقتىڭ ەل بولاشاعى ءۇشىن ماڭىزىن ءارقاشاندا اتاپ كورسەتىپ كەلدىم جانە اتاپ كورسەتە بەرەمىن. مەملەكەت ءاربىر جاس ادامنىڭ ءوز ەلىنە مىندەتتى تۇردە قاجەت بولۋى ءۇشىن ءبارىن دە جاسايدى.
مەملەكەتتىك جاستار ساياساتى تۋرالى زاڭدى جاڭارتۋ قاجەت. جاس مامانداردى ەڭبەككە ورنالاستىرۋدىڭ كەپىلدىكتەرى مەن الەۋمەتتىك پاكەت تۋرالى، جاستار تاجىريبەسىن ۇيىمداستىرۋدىڭ ءتارتىبى تۋرالى قۇقىقتىق نورمالار قاجەت.
ءبىزدىڭ جاستار ەلەسپەن ءومىر سۇرمەۋگە ءتيىس. قازاقستاننان تىس جەردە جۇماق جوق. ەش جەردە، الەمنىڭ ەشبىر ەلىندە بارىنە بىردەن يە بولۋ مۇمكىن ەمەس.
تۋعان قازاقستاندا ەڭبەك ەتىپ، ءوز الەۋەتتەرىن جۇزەگە اسىرۋلارى قاجەت.
ول ءۇشىن مەملەكەت بارلىق جاعدايلار جاساۋدا جانە ودان ءارى دە جاساي بەرەتىن بولادى.
قازاقستاندىق جاستاردىڭ كەڭ كولەمىن تەحنيكالىق جانە كاسىپتىك ءبىلىم الۋعا جانە يندۋستريالاندىرۋ باعدارلاماسىنا قاتىسۋعا ىنتالاندىرۋ مەن تارتۋدىڭ شارالارىن ازىرلەۋ ماڭىزدى.
4. الەۋمەتتىك جاڭعىرتۋدىڭ اقپاراتتىق-مادەني قۇرامداسى
قازاقستاندا الەۋمەتتىك جاڭعىرتۋ جاھاندىق اقپاراتتىق داۋىردە جۇزەگە اسۋدا. بۇل فاكتوردى مىندەتتى تۇردە ەسكەرۋ قاجەت.
جاڭعىرتۋ ۇدەرىسى، بىرىنشىدەن، بۇكىل قازاقستاندىق سوسيۋمدى اقپاراتتىق قوعام جاعدايىنا باستاۋى ءتيىس، ول الەمدىك دامۋدىڭ ترەندىنە تولىق سايكەس كەلەدى. جانە ەكىنشىدەن، قازاقستاندا ەكونوميكانىڭ، الەۋمەتتىك جۇيە مەن ساياساتتىڭ بۇلجىماس دامۋىنىڭ ماڭىزدى فاكتورى بولا الاتىنداي اقپاراتتىق-مادەني ورتا قۇرۋ قاجەت.
قازاقستاندا اقپاراتتىق تەحنولوگيالار رەكوردتىق قارقىنمەن دامۋدا. اقپاراتتىق كەڭىستىكتى - كوممۋنيكاسيالىق جەلىلەر مەن باق-تاردى سيفرلاندىرۋ جوعارى قارقىنمەن جۇرۋدە.
ينتەرنەتتى پايدالانۋشىلار سانى تەك 2011 جىلى عانا قازاقستاندا 2 ەسەدەن استامعا ءوسىپ، 8،7 ميلليون ادامعا جەتتى، ياعني ەل حالقىنىڭ جارتىسىنان اسىپ ءتۇستى. ءىس جۇزىندە قازاقستان قوعامدى جاپپاي كومپيۋتەرلەندىرۋگە جاقىنداپ كەلدى.
بۇگىندە اقپاراتتىق فاكتوردىڭ بارلىق وسكەلەڭ ءرولىن ەسكەرە وتىرىپ، مەن ەل تاۋەلسىزدىگىنىڭ 20 جىلدىعىنا ارنالعان سالتاناتتاعى باياندامامدا ايتقانىمداي، «اقپاراتتىق قازاقستان-2030» مەملەكەتتىك باعدارلاماسىن ازىرلەيتىن ۋاقىت كەلدى.
ءبىرىنشى. وسىناۋ ستراتەگيالىق قۇجاتتا «ەلەكتروندى ۇكىمەتتى» ءىس جۇزىندە جۇزەگە اسىرۋ مىندەتىن العا قويۋدىڭ ماڭىزى زور.
ەلەكتروندى ۇكىمەت تۋرالى ارنايى زاڭ قابىلداپ، مەملەكەتتىك ەلەكتروندى قىزمەت كورسەتۋ ۇلگىلەرىن ازىرلەۋ قاجەت.
جەرگىلىكتى دەڭگەيدە اقپاراتتىق تەحنولوگيالاردى پايدالانۋ مۇمكىندىكتەرىن ۇلعايتۋ كەرەك.
«ەلەكتروندى اكىمدىكتىڭ» وبلىس، قالا، اۋدان ۇلگىسىندەگى ءۇش دەڭگەيلى بىرۇلگىلىك سىزباسىن ازىرلەۋ قاجەت.
سول سياقتى ازاماتتاردىڭ بارلىق دەڭگەيدەگى اكىمدەردىڭ، جەرگىلىكتى شەنەۋنىكتەر مەن جەرگىلىكتى ءوزىن ءوزى باسقارۋ ورگاندارىنىڭ جۇمىس تيىمدىلىگىنە ەلەكتروندى باعا بەرۋ جۇيەسىن قۇرۋ مۇمكىندىكتەرىن دە زەرتتەۋ كەرەك.
جەرگىلىكتى بيلىك قوعامنىڭ قالتقىسىز نازارىندا بولۋى ءتيىس.
ەكىنشى. ينتەللەكتۋالدىق اقپاراتقا قولجەءتىمدىلىكتىڭ يننوۆاسيالىق تۇرلەرىن دامىتۋ قاجەت، قازاق ۇلتتىق ەلەكتروندى كىتاپحاناسىنىڭ قورىن تۇبەگەيلى ۇلعايتۋ كەرەك.
ءىس جۇزىندە ول - ۇلتتىڭ ەلەكتروندى ميى. سوندىقتان الەۋمەتتىك ماڭىزدى باسىلىمدار باعدارلاماسى بويىنشا شىققان بارلىق كىتاپتاردى قازۇەك-كە قوسۋ قاجەت. سونىمەن قاتار، وعان جەكە ادامدار شىعارعان كىتاپتاردى ورنالاستىرۋدى ىنتالاندىرۋ تەتىكتەرىن دە ويلاستىرۋ كەرەك.
ءۇشىنشى. وتاندىق باق-تاردى جاڭعىرتۋ باعدارلامانىڭ ماڭىزدى باعىتى بولۋى ءتيىس. ب ا ق سالاسى جۋرناليستىك ەتيكانىڭ ۇلتتىق كودەكسىنىڭ ناقتى ۇلگىلەرى، سول سياقتى تۇتىنۋشىنى بۇرمالانعان جانە شىنايى ەمەس اقپاراتتان قورعايتىن زاڭدى نورمالار نەگىزىندە جۇمىس ىستەۋى كەرەك.
ءتورتىنشى. ەڭ ءبىر قازىرگى زامانعى اقپاراتتىق تەحنولوگيالاردى پايدالانا وتىرىپ قازاقستان تۋرالى جاھاندىق اقپاراتتى ىلگەرىلەتۋ جونىندەگى جۇمىستاردى جالعاستىرۋ قاجەت. اتاپ ايتقاندا، قازاقستاننان شىعىس ازيا مەن مۇسىلمان الەمى ەلدەرىنە گەوگرافيالىق اقپاراتتار اعىنىن ۇلعايتا ءتۇسۋ كەرەك.
بەك بويىنشا ارىپتەستەرىمىزبەن جانە بۇتىندەي العاندا ەۋرازيالىق كەڭىستىكتىڭ اقپارات كەڭىستىگىندەگى تىڭعىلىقتى جۇمىستار ءبىزدىڭ ايرىقشا مىندەتىمىز بولۋى ءتيىس.
ءبىز ءۇشىن قازاقستاندى بەك پەن تمد-عا تارتىمدى ۇلگى ەتە وتىرىپ، ەلدەگى جاڭعىرتۋ ۇدەءرىسىنىڭ بۇكىل ىرعاعىن ارىپتەس ەلدەر تۇرعىندارىنا جەتكىزۋ اسا ماڭىزدى.
پىكىر قالدىرۋ