14ء-شى تاپسىرما

ق ر ۇكىمەتى:

2013 جىلدىڭ 1 شىلدەسىنە دەيىن، ەگەر مەديسينا قىزمەتكەرى تاراپىنان سالاقتىقپەن نەمەسە ءجۇردىم-باردىم قاراۋ بولماسا، ازاماتتىڭ دەنساۋلىعىنا نۇقسان كەلتىرگەنى  ءۇشىن دارىگەرلەردىڭ كاسىبي جاۋاپكەرشىلىگىن مىندەتتى تۇردە قامسىزداندىرۋدى ەنگىزۋ جونىندەگى ماسەلەنى تالداپ-زەرتتەسىن؛

2012 جىلدىڭ اياعىنا دەيىن، ەمدىك قۇرال­داردى پايدالانۋعا قاتىستى تۇرعىنداردىڭ حاباردارلىعى دەڭگەيىن ارتتىرۋدىڭ ءپار­مەن­ءدى تەتىكتەرىن ەنگىزسىن. ءاربىر قازاقستاندىق سالاماتتى  ءومىر سالتىنسىز، تاماقتى تارتا ىشپەيىنشە، قيمىل-قوزعالىسسىز جانە سپورتسىز ۇزاق ءومىر ءسۇرۋ مۇمكىن ەمەس ەكەنىن بىلۋگە ءتيىس.

بۇل - ءومىردىڭ اششى شىندىعى. ەگەر ءبىز قازاقستانداعى ورتاشا ءومىر جاسى ەۋروپاداعىداي بولعانىن قالاساق، وندا ءوزىمىزدىڭ دەنساۋلىعىمىز تۋرالى ويلانۋعا ءتيىسپىز.

ءاربىر ەلدى مەكەندە، سونىڭ ىشىندە اۋىلدىق جەرلەردە، سونداي-اق ءاربىر مەكەمە مەن كاسىپورىندا بەلسەندى دەمالىستى، دەنە تاربيەسى مەن بۇقارالىق سپورتتى دامىتۋ ءۇشىن بىرتە-بىرتە جاعداي جاساۋ ءجون. ەلدىڭ وقۋ ورىندارىندا دەنە تاربيەسىنىڭ وقۋدان  تىس ساباقتارى مەن سەكسيالارىن كەڭەيتۋ كەرەك. 

15ء-شى تاپسىرما

- ق ر ۇكىمەتى 2012 جىلدىڭ سوڭىنا دەيىن وقۋشىلار ءۇشىن وقۋدان تىس سپورت سەكسيالارىن بيۋدجەتتىك ەمەس قارجى كوزدەرىنەن قارجىلاندىرۋدىڭ تەتىكتەرىن ەنگىزۋدى قامتاماسىز ەتسىن؛

- قازاقستان ۇكىمەتى سپورت جانە دەنە تاربيەسى ىستەرى جونىندەگى اگەنتتىكپەن بىرلەسە وتىرىپ، مەملەكەتتىك الەۋمەتتىك تاپسىرىس جۇيەسى ارقىلى ۇكىمەتتىك ەمەس ۇيىمدارمەن، قوعامدىق بىرلەستىكتەرمەن ارىپتەستىكتىڭ جاڭا تۇرلەرىن تالداپ-جاساسىن.

قازاقستاندىق جانكۇيەرلەر ەلىمىزدىڭ كونتينەنتتىك حوككەي ليگاسىنا قاتىسۋىن ىقىلاسپەن قابىل الدى.

استانالىق «بارىس» كومانداسىنىڭ ءاربىر ويىنى جۇرتشىلىقتىڭ زور قىزىعۋشىلىعىن تۋعىزۋدا. بالالار حوككەيگە بۇكىل سىنىبىمەن كەلەتىن بولدى.

بۇل پراكتيكانى سپورتتىڭ باسقا تۇرلەرىنە دە ورايلاستىرىپ كەڭەيتۋ كەرەك.

قازاقستاندىق كوماندالاردىڭ شەت ەلدەر چەمپيوناتتارىنىڭ جوعارى ليگالارىنا قاتىسۋ مۇمكىندىگىن زەرتتەۋ قاجەت. ماسەلەن، فۋتبولدا.

ءبىراق، ەڭ باستىسى، تاعى دا قايتالايمىن -  ادامنىڭ ءوزىنىڭ ءوز دەنساۋلىعى مەن تۇرمىس سالتىنا دەگەن جەكە كوزقاراسى.

بۇل جەردە ەشكىمدى ماجبۇرلەۋ مۇمكىن ەمەس. بۇل سانالى ويلاستىرىلعان جەكە تاڭداۋ بولۋى ءتيىس.

بۇگىندە سول سياقتى ۇلتتىق لوتەرەيانى دامىتۋ جۇيەسىنىڭ جاڭا ءتيىمدى مودەلىن ۇسىنۋ قاجەت.