قاراعاندى وبلىسىندا ءبىرىنشى جارتىجىلدىقتا ىشكى ءتۋريزمنىڭ 8،9 پايىزعا وسكەن. بۇل تۋرالى وبلىستىق كاسىپكەرلىك باسقارماسىنىڭ باسشىسى تاتيانا ابىلايەۆا حابارلادى. بۇل تۋرالى "قامشى" پورتالى قازاقپاراتقا سىلتەمە جاساي وتىرىپ حابارلايدى.
«مەملەكەت باسشىسى قازاقستان حالقىنا «نۇرلى جول - بولاشاققا باستار جول» جولداۋىندا قازاقستاننىڭ ينفراقۇرىلىمدىق دامۋىنىڭ ماڭىزدىلىعىن اتاپ وتكەن. جەكە باعىتى - تۋريزم ءۇشىن ينفراقۇرىلىم. ونىڭ باستى ارتىقشىلىعى ودان دا كوپ جۇمىس ورىندارىن قۇرۋ مۇمكىندىگى بولىپ وتىر. بۇل سالادا ءبىر جۇمىس ورنىن قۇرۋ ونەركاسىپكە قاراعاندا 10 ەسە ارزان»، - دەدى وبلىس اكىمدىگىندەگى اپپارات كەڭەسىندە ءسوز سويلەگەن ت.ابىلايەۆا.
باياندامادا اتاپ وتىلگەندەي، ءبىرىنشى جارتىجىلدىقتا وبلىستا تۋريزم ينفراقۇرىلىمىنا 199 ءقوناقۇي، موتەل، جازعى ايماقتار مەن لاگەرلەر، دەمالىس ۇيلەرى مەن باسقا دا نىساندار كىرگەن. وتكەن جىلدىڭ وسىنداي كەزەڭىمەن سالىستىرعاندا ولاردىڭ سانى 12،4 پايىزعا ءوستى.
«كەلۋشىلەردىڭ سانى 115،5 مىڭ ادامدى قۇراعان، بۇل وتكەن جىلدىڭ وسىنداي كەزەڭىمەن سالىستىرعاندا 6،8 پايىزعا ءوستى. جالپى ساننىڭ 94 پايىزى - رەسپۋبليكا تۇرعىندارى، قالعان 6 پايىزى - شەتەل ازاماتتارى. بۇل رەتتە ىشكى تۋريزم بويىنشا 8،9 پايىزدىق ءوسىم اتاپ وتىلەدى»، - دەپ حابارلادى كاسىپكەرلىك باسقارماسىنىڭ باسشىسى.
ەسەپ بەرۋ مالىمەتتەرىنشە، ورنالاستىرۋ سالاسىنداعى قىزمەت كولەمى 1،5 ملرد. استام تەڭگەنى قۇراعان، بۇل 2014 جىلدىڭ ءبىرىنشى جارتىجىلدىعىنىڭ كورسەتكىشىنە قاراعاندا 12،4 پايىزعا اسىپ وتىر. «بۇل وسىمگە ورنالاستىرۋ نىساندارىن سالۋعا ارنالعان جەكەمەنشىك ينۆەستيسيالاردى تارتۋ، جوبالاردى «بيزنەستىڭ جول كارتاسى-2020» مەملەكەتتىك باعدارلاماسى اياسىندا قولداۋ، سونداي-اق وتكىزىلىپ وتىرعان جارنامالىق-يميدجدىك شارالار سەپتىگىن تيگىزىپ وتىر»، - دەدى ت.ابىلايەۆا.
ول جىل باسىنان بەرى ورنالاستىرۋ نىساندارىنىڭ قۇرىلىسى بويىنشا 11 جوبا ىسكە اسىرىلعانىن حابارلادى، سونىڭ ىشىندە جالپى سوماسى 440 ملن. استام تەڭگەنى قۇرايتىن 5 جوبا «بيزنەستىڭ جول كارتاسى-2020» بويىنشا قولداۋ الدى.
«پريوزەرسك قالاسىنان 5 شاقىرىم جەردە 150 ادامعا ارنالعان «بالقاش» شيپاجايىنىڭ اشىلۋى جىلدىڭ ماڭىزدى وقيعالارىنىڭ ءبىرى بولدى. جوبانىڭ جالپى قۇنى 5 ملرد. تەڭگەدەن استى، بۇل رەسپۋبليكالىق بيۋدجەتتىڭ قاراجاتى بولدى. اتالعان جوبانى ىسكە اسىرۋ تۋريستەر اعىنىن وسىرۋگە سەپتىگىن تيگىزىپ، ايماق كاسىپكەرلىگىن بەلسەندەتۋگە ىنتالاندىرۋ بولماق»، - دەپ قوسىپ ءوتتى ت.ابىلايەۆا.
