2015 جىلدىڭ باسىنان باستاپ حالىققا 24 ميلليوننان استام مەلەكەتتىك قىزمەت كورسەتىلدى. «ەلەكتروندى ۇكىمەت» پورتالى ارقىلى حالىق 875 قىزمەت تۇرىنە قول جەتكىزە الادى. بۇل تۋرالى ماجىلىستە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەتتىك قىزمەت كورسەتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» ق ر زاڭىنىڭ جوباسىن تالقىلاۋ كەزىندە ق ر ينۆەستيسيالار جانە دامۋ ءمينيسترى اسەت يسەكەشيەۆ ايتتى. بۇل تۋرالى "قامشى" پورتالى Baq.kz -كە سىلتەمە جاساي وتىرىپ حابارلايدى.

«رەسپۋبليكادا 200-گە جۋىق مەملەكەتتىك قىزمەت تۇرلەرىن كورسەتەتىن 267 حقو جۇمىس ىستەيدى. تەك قانا 2014 جىلى حقو ارقىلى 29 ملن.، ال 2015 جىلدىڭ 9 ايى ىشىندە 24 ملن. قىزمەت كورسەتىلدى. حقو-نىڭ باستى ارتىقشىلىعى – قىزمەتتەرگە بىردەي قول جەتكىزۋ ارقىلى سىبايلاس جەمقورلىق تاۋەكەلىنەن ارىلۋ، بارلىق قىزمەتتى ءبىر جەردە الىپ، قىزمەت كورسەتۋشىلەر مەن ازاماتتار اراسىنداعى تىكەلەي بايلانىستى جويۋ.»، - دەپ حابارلادى ءا.يسەكەشيەۆ.
بۇگىن ماجىلىستە تالقىلانىپ وتىرعان زاڭ جوباسى حالىقارالىق تاجىريبە ەسكەرىلە وتىرىپ، مەلەكەتتىك قىزمەتتەردىڭ تولىق سيكلى قاعيداتى بويىنشا ازىرلەندى. ياعني، قۇجاتتاردى قابىلداۋ، وڭدەۋ جانە بەرۋدى ۇيىم ءوزى جۇزەگە اسىرادى.
 جالپى ۇلتتىق جوسپاردا – مەملەكەت باسشىسى بەرگەن «ۇكىمەت ازاماتتار ءۇشىن» مەملەكەتتىك كورپوراسياسىن قۇرۋ» تاپسىرماسى بويىنشا بەس ينستيتۋسيونالدىق رەفورمانى ىسكە اسىرۋدىڭ 100 قادامى شەڭبەرىندە كاناداعى Service Canada جانە اۆسترالياداعى Centrelink ۇلگىلەرى بويىنشا مەملەكەتتىك كورپوارسيا مەملەكەتتىك قىزمەت كورسەتدىڭ ءبىرىڭعايۋ پروۆايدەرىنە اينالادى. مەملەكەتتىك كورپوراسيا حالىققا قىزمەت كورسەتۋدىڭ بارلىق ورتالىقتارىن ءبىرىڭعاي جۇيەگە اينالدىرادى. قازاقستاننىڭ ازاماتتارى بارلىق مەملەكەتتىك قىزمەتتەردى ءبىر جەردە الاتىن بولادى.
مەملەكەتتىك كورپوراسيا قۇرۋداعى كانادانىڭ ءبىرىنشى كەزەڭدەگى تاجىريبەسىن ەسكەرە وتىرىپ، نەعۇرلىم جوعارى سۇرانىسقا يە مەملەكەتتىك قىزمەتتەر كورسەتۋ ۇسىنىلۋدا، مۇنىڭ ءوزى «ءبىر تەرەزە» قاعيداتى بويىنشا كورسەتىلەتىن مەملەكەتتىك قىزمەتتەر سانىن 212-دەن 522-گە دەيىن ۇلعايتۋعا مۇمكىندىك بەرەدى. مەملەكەتتىك قىزمەتتەردى ودان ءارى مەملەكەتتىك كورپوراسياعا بەرۋ ولاردىڭ سانىن 709-عا دەيىن جەتكىزۋگە مۇمكىندىك بەرەدى.