جۇڭگو شانحاي ىنتىماقتاستىق ۇيىمىنا (شىۇ) مۇشە ەلدەرمەن بىرلەسىپ ساۋدا جانە ەكونوميكا سالاسىنداعى قول جەتكىزىلگەن ۋاعدالاستىقتى ىسكە اسىرۋعا ءازىر». بۇل تۋرالى "قامشى" پورتالى قازاقپاراتقا سىلتەمە جاساي وتىرىپ حابارلايدى.

بۇل تۋرالى قحر كوممەرسيا ءمينيسترى گاو حۋچەن مالىمدەدى، دەپ حابارلادى تاسس.

«ءبىز تەڭ قۇقىق قاعيداتىندا ىنتىماقتاستىقتى دامىتۋعا ءازىرمىز»، - دەپ اتاپ ءوتتى ول.

كوممەرسيا ءمينيسترىنىڭ ورىنباسارى  سيان كەمين مالىمدەگەندەي، 13 جىلدا قىتايدىڭ شىۇ قاتىسۋشى ەلدەرمەن ساۋدا كولەمى ون ەسەدەن استامعا، 130 ملرد دوللارعا دەيىن ءوستى.

ونىڭ ايتۋىنشا، جۇڭگو شىۇ-عا مۇشە ەلدەردەن تاۋارلاردىڭ كەڭ سپەكترىن بەلسەندى يمپورتتايدى. «ورتالىق ازيادان ءبىز گاز يمپورتتايمىز، رەسەيلىك بورەنە جيھاز ازىرلەۋ ءۇشىن، قازاقستان بيدايى جۇڭگو داستارحانىنا قويىلادى، وزبەكستان ماقتاسىنان كيىم ازىرلەيمىز، تاجىكستان جەمىسى جۇڭگو نارىعىندا جاقسى سۇرانىسقا يە»، - دەپ قوستى سيان كەمين.

ول سونداي-اق اۆتوموبيل جاساۋ، ەلەكتر ستانساسى قۇرىلىسى، سونداي-اق وندىرىستىك جابدىقتار مەن كومپيۋتەرلەر جەتكىزۋ سالاسىنداعى ىنتىماقتاستىقتى دامىتۋدى اتاپ ءوتتى.

«تىعىز ەكونوميكالىق بايلانىستار ءبىزدىڭ ەلدەردىڭ گۇلدەنۋىنە ىقپال ەتەدى»،  دەپ سانايدى  ءمينيستردىڭ ورىنباسارى.

ءسوز سويلەۋ بارىسىندا ول ءقازىر شىۇ ەلدەرىندەگى جۇڭگو ينۆەستيسيالارىنىڭ كولەمى 70 ملرد دوللاردان اسقانىن اتاپ ءوتتى. بۇل رەتتە شىۇ ەلدەرىنىڭ قىتايعا  ينۆەستيسياسىنىڭ كولەمى 1 ملرد دوللاردان اسقان.