استانادا بولشەك ساۋدا اينالىمىنىڭ كولەمى ۇلعايدى

استانا قالاسى ستاتيستيكا دەپارتامەنتىنىڭ حابارلاۋىنشا، 2015 جىلعى قاڭتار-تامىز ايلارىندا بولشەك ساۋدا اينالىمىنىڭ جالپى كولەمى بارلىق وتكىزۋ ارنالارى بويىنشا ناقتى باعامەن 413791،7 ملن تەڭگەنى قۇرادى جانە 2014 جىلدىڭ سايكەس مەرزىمىمەن سالىستىرعاندا سالىستىرمالى باعادا 3،7% ارتتى، دەپ حابارلايدى استانا اكىمدىگىنىڭ باسپا ءسوز قىزمەتى. بۇل تۋرالى "قامشى" پورتالى Baq.kz –كە سىلتەمە جاساي وتىرىپ حابارلايدى.

2015 جىلعى قاڭتار-تامىزدا رەسمي تىركەلگەن كاسىپورىنداردا بولشەك ساۋدا اينالىمىنىڭ كولەمى 294667،6 ملن تەڭگەنى قۇرادى، بۇل 2014 جىلدىڭ سايكەس مەرزىمىندەگى دەڭگەيدەن سالىستىرمالى باعادا 7،2% ارتىق.

تاراتىلعان مالىمەتتەرگە سايكەس، كوتەرمە ساۋدا جەلىسى ارقىلى 2015 جىلعى قاڭتار-تامىزدا 1790224،4 ملن تەڭگەنىڭ تۇتىنۋ تاۋارلارى مەن وندىرىستىك-تەحنيكالىق باعىتتاعى ونىمدەرى ساتىلدى، بۇل وتكەن جىلدىڭ سايكەس مەرزىمىندەگى كولەمنەن 7،9% جوعارى.

قوعامدىق تاماقتانۋ سالاسىندا 20131،2 ملن تەڭگە كولەمىندە قىزمەت كورسەتىلدى، بۇل 2014 جىلدىڭ سايكەس مەرزىمىندەگى دەڭگەيدەن 7،6% ارتىق. اۆتوموبيلدەرگە، موتوسيكلدەرگە تەحنيكالىق قىزمەت كورسەتۋ جانە جوندەۋ بويىنشا قىزمەتتەر كولەمى 3502 ملن تەڭگەنى قۇرادى، بۇل 2014 جىدىڭ سايكەس مەرزىمىندەگى دەڭگەيدەن 2،2% جوعارى.