كەزدەسۋ بارىسىندا ەلباسى جىلى قابىلداۋى ءۇشىن ۆ.پۋتينگە العىس ايتىپ،  تاجىكستاندا ۇقشۇ ۇجىمدىق قاۋىپسىزدىك كەڭەسى سەسسياسى اياسىنداعى كەلىسسوزدەردىڭ تابىستى وتكەنىنە توقتالدى. بۇل تۋرالى "قامشى" پورتالى akorda.kz-كە سىلتەمە جاساي وتىرىپ حايۋبارلايدى.

نۇرسۇلتان نازاربايەۆ سونداي-اق ءوڭىرارالىق ىنتىماقتاستىق فورۋمىنىڭ الەمدىك ەكونوميكاداعى تۋربۋلەنتتىلىك جاعدايىندا ەكى مەملەكەت ءۇشىن ءمانى ەرەكشە زور ەكەنىن اتاپ ءوتتى.  

ەكسپورتتىق تاۋارلار باعاسىنىڭ قۇلدىراۋى مەن ۆاليۋتا نارىقتارىنداعى تۇراقسىزدىق سالدارىنان ءوزارا ساۋدانىڭ باسەڭدەۋى بايقالۋدا. دەگەنمەن، بۇل رەتتە ءبىزدىڭ ۇكىمەتتەرىمىز تۋىنداعان ماسەلەلەردى شەشۋ ءۇشىن شۇعىل جۇمىس جۇرگىزىپ جاتىر دەپ ەسەپتەيمىن. فورۋم اياسىندا بۇگىن سول ماسەلەلەردىڭ ماڭىزدىلارىن تالقىلاۋعا مۇمكىندىگىمىز بار، – دەدى نۇرسۇلتان نازاربايەۆ.

ۆ.پۋتين قازاقستان مەن رەسەيدىڭ وڭىرلەرى باسشىلارىنىڭ كەزدەسۋ فورماتىنىڭ ماڭىزدىلىعىن اتاپ ءوتتى.

بۇل – وسىمەن ون ەكىنشى فورۋم. بيىل ءبىز اۋىل شارۋاشىلىعى سالاسىنداعى ىنتىماقتاستىق پەن ءوزارا ءىس-قيمىل، ازىق-تۇلىك قاۋىپسىزدىگىن قامتاماسىز ەتۋ ماسەلەلەرىن تالقىلاۋ ءۇشىن جينالدىق. ءسوچيدىڭ وليمپيادادان كەيىنگى وزگەرىستەرىن كوزبەن كورۋ قازاقستاندىق سەرىكتەستەرىمىزدىڭ كوبىسىنە قىزىقتى بولار دەپ ۇمىتتەنەمىن، – دەدى ۆ.پۋتين.