وقو اكىمى بەيبىت اتامقۇلوۆتىڭ جۇمىس ساپارى وتىرار اۋدانىندا جالعاستى. ايماق باسشىسى الدىمەن شىلىك اۋىلىنداعى «جاڭا - جەر» شارۋا قوجالىعىنىڭ جۇمىسىمەن تانىستى. بۇل تۋرالى "قامشى" پورتالى ايقىنعا سىلتەمە جاساي وتىرىپ حابارلايدى.

وندا ەت، ءسۇت، شۇبات، جۇمىرتقا سەكىلدى ءونىمنىڭ ءتورت ءتۇرى وندىرىلەدى. شارۋا قوجالىقتىڭ ءتوراعاسى ج.قۇدىرەتۋللايەۆ مالىمدەگەندەي، مۇندا تاۋلىگىنە 5 توننا ءسۇت ونىمدەرى، 150 ليتر شۇبات، 3 توننا ەتى ونىمدەرى مەن بەس مىڭ داناعا جۋىق جۇمىرتقا وندىرىلەدى.
شارۋاشىلىقتا 35 ادام جۇمىسپەن قامتىلعان. بۇدان سوڭ ءوڭىر باسشىسى شىلىك اۋىل وكرۋگىندەگى س.قۇرتايەۆ اتىنداعى شاعىن جيناقتى مەكتەبىن ارالاپ كورىپ، جاڭا وقۋ جىلىن باستاعان وقۋشىلارعا وقۋدا وزات بولۋلارىن ايتتى.
ب.اتامقۇلوۆ تەمىر اۋىل وكرۋگىندەگى «ءوتىرار-دان» جۇگەرى كەپتىرۋ جانە ساقتاۋ كەشەنىنىڭ جۇمىسىن ارالاپ، يندۋستريالدى ايماق پەن جاڭا جۇگەرى وڭدەۋ زاۋىتى قۇرىلىسىنىڭ جوباسىمەن تانىستى. كاسىپورىن جىلىنا 10 مىڭ تونناعا دەيىن جۇگەرى ءدانىن كەپتىرىپ، ساقتاۋعا قاۋقارلى. مۇندا جەرگىلىكتى 35 ادام جۇمىسپەن قامتىلعان. وبلىس اكىمى وتىرار اۋدانىنىڭ كوكماردان اۋىلىنا دا ات باسىن بۇردى. مۇنداعى «ۇسەنوۆ ن.» شق تاۋارلى ءسۇت فەرماسى جانە ءسۇت وڭدەۋ كاسىپورنىنىڭ ەكولوگيالىق تازا شۇباتى، بيو شۇباتى، پاستەرلەنگەن تۇيە سۇتىمەن تانىستى. «تۇيە ءسۇتىن وڭدەۋ» جوباسى 2012 جىلى ءۇييد مەملەكەتتىك باعدارلاماسى اياسىندا ىسكە قوسىلعان. كۇندىگىنە 5 مىڭ تونناعا دەيىن ءسۇت ونىمدەرىن شىعارۋعا مۇمكىندىگى بار شارۋا قوجالىعى جىلىنا 500 توننا تۇيە ءسۇتىن وڭدەپ، دايىندايدى.
بۇگىنگى تاڭدا دايىن ونىمدەر شىمكەنت قالاسىنان بولەك، الماتى، استانا قالالارىنا شىعارىلىپ ساتىلۋدا. قازىرگى كۇنى قوجالىق باسشىسى تۇيە ءسۇتىن ۇنتاقتاپ شىعارۋ جۇمىستارىن قولعا العان. ەجەلگى قالاعا جاساعان ساپارىندا وبلىس اكىمى كونە جازبالار مەن قۇندى جادىگەرلەر ساقتالعان «ءرۋحانيات-ابۋ ناسىر ءال-فارابي» اتىنداعى مۇراجايعا باردى. وندا ايماق باسشىسى مۇراجايدىڭ تىنىس-تىرشىلىگىمەن تانىسىپ، ءبىر عاسىردان بەرى ساقتالىپ كەلە جاتقان «كوروعلى» داستانىن كوردى. رۋحاني مادەنيەتى دامىعان اۋداندا اتقارىلعان جۇمىستاردى سارالاعان وبلىس اكىمى الەۋمەتتىڭ الەۋەتىن كوتەرەتىن جاڭا جوبالاردى ىسكە اسىرۋ قاجەتتىگىن ايتتى، دەپ حابارلادى وقو اكىمىنىڭ باسپا ءسوز قىزمەتىنەن.
قازاقپارات