گەرمانيانىڭ ودەردەگى فرانكفۋرت قالاسىندا «براندەنبۋرگ كۋبوگى» دەپ اتالاتىن تۋرنير اياقتالدى. 17-18 جاس ارالىعىنداعى 20 مەملەكەتتەن كەلگەن 128 بوكسشىنىڭ باسىن قوسقان جارىستا قازاق ەلىنىڭ ءانۇرانى ەكى مارتە شىرقالدى.

وسى جارىستا 52 كەلى سالماقتا ب ا ق سىناعان ايدوس اراپوۆ ءوزىن جاقسى قىرىنان كورسەتە ءبىلدى. باستاپقى باسەكەلەردە بارلىق قارسىلاستارىن ەداۋىر ۇپاي ايىرماشىلىعىمەن ۇتقان قوس­تاناي وبلىسىنىڭ وكىلى جارتىلاي فينالدا رەسەيلىك روبەرت روديو­نوۆتان ايلاسىن اسىرسا، اقتىق ايقاستا يرلانديالىق شاننە فلاۆيننەن باسىم ءتۇستى. كومان­دالىق ارىپتەسىنىڭ جەڭىستى جولىن ءادىلحان امانقۇل جالعاستىردى. 75 كەلى سالماقتا ونەر كورسەتكەن تارازدىڭ تاستۇلەگى شەشۋشى تۇستا رەسەي بوكسشىسى جامال ماح­مۋدوۆ پەن فرانسيانىڭ مىقتىسى لۋيس ءتويتيندى تىزە بۇكتىردى. وسى­لايشا، نەمىس جەرىنەن قازاقتىڭ دارىندى جاستارى قوس التىن مەدالمەن ورالدى. 
جالپى ەسەپتە گەرمانيا قۇ­راماسى وزدى. جارىس قوجايىن­دارى 5 رەت باس جۇلدەنى ولجالادى. ەكىنشى ورىندا – قازاقستان. سو­دان كەيىنگى ورىندارعا ۇلىبري­تانيا، يرلانديا جانە رەسەيدىڭ ۇلتتىق قۇرامالارى جايعاستى.