قازاقستاندا «بيزنەستىڭ جول كارتاسى-2020» باعدارلاماسى اياسىندا «دامۋ» قورى 1،8 ملرد تەڭگەگە 688 وتەۋسىز گرانت ءبولدى. بۇل تۋرالى قوردىڭ استانا قالاسىنداعى فيليالىنىڭ ديرەكتورى يسلامبەك قايىربەكوۆ باسپا ءسوز تۋرى كەزىندە ايتتى، دەپ حابارلايدى BNews.kz ءتىلشىسى

 «1،8 ملرد تەڭگەگە 688 گرانت بەرىلدى، ونىڭ ىشىندە استانا قالاسىندا 56 ملن تەڭگەنىڭ 19 گرانتى ءبولىندى»، - دەدى ول.

گرانتتاردىڭ باسىم بولىگىن شاعىن جانە ورتا بيزنەس كاسىپكەرلەرى الدى، ولاردىڭ اراسىندا ەكونوميكانىڭ باسىمدىقتى سالالارىندا، وڭدەۋشى ونەركاسىپتە جاڭا بيزنەس يدەيالاردى جۇزەگە اسىرعىسى كەلەتىن جاستار، ايەلدەر، مۇگەدەكتەر مەن 50-دەن اسقان ادامدار بولدى.

«ەگەر بۇل جوبالار اۋىلدىق ەلدى مەكەندەردە، شاعىن نەمەسە مونوقالالاردا ىسكە اسىرىلاتىن بولسا، قاي سالا بولسا دا، قولداۋ كورسەتىلەدى»، - دەپ ناقتىلادى ي.كايىربەكوۆ.

سونداي-اق ول بيىلعى جىلى سۋبسيديالاۋ بويىنشا 57 ءوتىنىم ماقۇلدانىپ، «دامۋ» قورىنىڭ كەپىلدىگىمەن 30-دان استام جوبا كرەديت العانىن اتاپ ءوتتى.