بۇگىن پارلامەنت سەناتىنىڭ جالپى وتىرىسىندا پالاتا دەپۋتاتتارى قازاقستان رەسپۋبليكاسى ازاماتتىق پروسەستىك كودەكسىنىڭ جوباسى ءۇشىنشى وقىلىمدا تالقىلاپ، قۇجاتقا ءبىرقاتار وزگەرىستەر ەنگىزىلگەندىكتەن ماجىلىسكە قايتاردى. بۇل تۋرالى "قامشى پورتالى قازاقپارات -قا سىلتەمە جاساي وتىرىپ حابارلايدى.

جاڭا رەداكسياداعى كودەكس قازاقستاننىڭ قۇقىقتىق ساياسات تۇجىرىمداماسىن iسكە اسىرۋ ماقساتىندا جانە مەملەكەت باسشىسىنىڭ سۋديالاردىڭ VI سەزiندە قويعان مىندەتتەرىن ورىنداۋ ءۇشiن ءازiرلەنگەن بولاتىن. تۇتاستاي العاندا ازاماتتىق پروسەستىك كودەكس جوباسى ازاماتتىق-پروسەستiك زاڭنامانىڭ جەدەلدiگiن ارتتىرۋدى، سوت iسiن جۇرگiزۋدە بiتiمدەستiرۋ ءراسiمدەرiن بەلسەندi قولدانۋ ءۇشiن ونى جاڭعىرتۋ ارقىلى جەكە جانە زاڭدى تۇلعالاردىڭ كونستيتۋسيالىق قۇقىقتارى مەن بوستاندىقتارىن سوتتا تيiمدi قورعاۋدى قامتاماسىز ەتۋدى كوزدەيدى. سونىمەن قاتار، قۇجاتتىڭ ەرەجەلەرi ازاماتتاردىڭ، مەملەكەتتiڭ جانە زاڭدى تۇلعالاردىڭ بۇزىلعان نەمەسە داۋلانىپ وتىرعان قۇقىقتارىن، بوستاندىقتارىن جانە زاڭدى مۇددەلەرiن قورعاۋدى قاراستىرادى. ونداي مۇددەلەردى قالپىنا كەلتiرۋ تۋرالى ازاماتتىق سوت iسiن جۇرگiزۋ تالاپتارىن ورىنداۋعا، زاڭدىلىقتى ساقتاۋعا، قوعامنىڭ زاڭ مەن سوتقا كادiر-قۇرمەتپەن قاراۋدى قالىپتاستىرۋعا باعىتتالادى.
تالقىلاۋ بارىسىندا سەناتورلار كودەكسكە سەكسەننەن استام تۇزەتۋ ەنگىزگەن. بۇلاردىڭ باسىم بولىگى مەملەكەت باسشىسىنىڭ «100 ناقتى قادام» ۇلت جوسپارىن جۇزەگە اسىرۋعا بايلانىستى بولىپ تابىلادى. اتاپ ايتقاندا، سەنات كودەكس جوباسىنا ۇلت جوسپارىنىڭ 16-شى قادامىنداعى ءۇش دەڭگەيلى جۇيە قۇرۋ جاعدايىندا ازاماتتىق ىستەردى قاراۋدىڭ پروسەستىك تارتىبىنە كوشۋ، سونىمەن بىرگە، 20-ى قادامداعى بارلىق سوت پروسەستەرىن اۋديو، بەينە تاسپاعا مىندەتتى تۇردە جازۋدى ەنگىزۋگە بايلانىستى تولىقتىرۋلار ەنگىزدى. 
سونىمەن قاتار، سەناتورلار تالاپ قويۋ سوماسىن ەكى مىڭ ايلىق ەسەپتىك كورسەتكىشتەن كەم بولعان جاعدايدا جەكە تۇلعالاردىڭ، ال وتىز مىڭ ايلىق ەسەپتىك كورسەتكىشتەن كەم بولعاندا زاڭدى تۇلعالاردىڭ مۇلىكتىك مۇددەلەرىنە بايلانىستى ىستەر بويىنشا سوت اكتىلەرىن كاسساسيالىق تارتىپپەن قايتا قاراۋعا شەكتەۋلەر بەلگىلەپ وتىر. 
ەندى قۇجات ماجىلىستە تالقىلاناتىن بولادى.