قازاقستانداعى اۆتوكولىك ونەركاسىبى مەن ماشينا قۇرىلىسى وندىرىسىندە ءوسىم ساقتالادى. بۇل تۋرالى بۇگىن استانادا ق ر ينۆەستيسيالار جانە دامۋ ۆيسە-مينيسترى البەرت راۋ ءمالىم ەتتى.بۇل تۋرالى "قامشى پورتالى قازاقپاراتقا سىلتەمە جاساي وتىرىپ حابارلايدى.
«بىزدە بۇل باعىتتا 30 پايىزعا جۋىق تومەندەۋ بولدى، الايدا تامىزدىڭ قورىتىندىسىن قاراعان كەزدە، ەلىمىزدەگى اۆتوونەركاسىپ تامىز ايىندا شىلدەگە قاراعاندا 7 پايىز ءوسىمدى كورسەتتى. اتاپ ايتقاندا وتكەن ايدا ماشينا قۇرىلىسىنىڭ بارلىق سەكتورلارىندا ءوسىم بايقالدى»،-دەدى ءمينيستردىڭ ورىنباسارى تمد-عا قاتىسۋشى مەملەكەتتەردىڭ ونەركاسىپتىك قاۋىپسىزدىك جونىندەگى مەملەكەتارالىق كەڭەسىنىڭ كەزەكتى وتىرىسى بارىسىندا تىلشىلەر ساۋالىنا جاۋاپ بەرۋ كەزىندە.
ا. راۋدىڭ پايىمىنشا، بۇل سالاداعى وڭ كورسەتكىشتەر قىركۇيەكتە جانە الداعى ايلاردا دا ساقتالاتىن بولادى.
