بۇگىن ورتالىق كوممۋنيكاسيالار قىزمەتىنىڭ الاڭىنداعى باسپا ءسوز ءماسليحاتى قىسقى ماۋسىم كەزەڭىندەگى جىلىتۋ ماسەلەسىنىڭ جاي-كۇيىنە ارنالدى. تاقىرىپقا قاتىستى ب ا ق وكىلدەرىنىڭ الدىنا پىكىر بىلدىرۋگە كەلگەن ەنەرگەتيكا مينيسترلىگىنىڭ اتوم جانە ەنەرگەتيكالىق قاداعالاۋ مەن باقىلاۋ كوميتەتى ءتوراعاسى سۇڭعات ەسىمحانوۆ ەلىمىزدەگى ەنەرگيا ءوندىرۋ كورسەتكىشى 63،1 ملرد كۆتساع. قۇراعاندىعىن ايتتى. بۇل تۋرالى "قامشى" پورتالى Baq.kz –كە سىلتەمە جاساي وتىرىپ حابارلايدى.

- اعىمداعى جىلدىڭ 18 قىركۇيەگىنە دەيىنگى جاعداي بويىنشا رەسپۋبليكا كولەمىندە وندىرىلگەن ەلەكتر ەنەرگياسىنىڭ كورسەتكىشى 63،1 ملرد كۆتساع. قۇرادى. مۇنى وتكەن جىلدىڭ سايكەس كەزەڭىمەن سالىستىرعاندا قالىپتى جاعداي رەتىندە باعالاۋعا بولادى. ال ەندى وندىرىلگەن ءونىمنىڭ تۇتىنۋ مولشەرى – 63،2 كۆتساعاتقا تەڭ بولىپ وتىر، - دەدى سۇڭعات قۋات ۇلى.

جالپى العاندا ەلىمىزدىڭ ەلەكتر ەنەرگەتيكالىق جۇيەسى تۇتاس تۇراقتى ءارى قالىپتى جاعدايدا رەسەي فەدەراسياسى مەن ازيا ەلدەرى ەنەرگەتيكالىق جۇيەلەرىمەن قاتارلاسا قىزمەت كورسەتۋدە دەپ ايتۋعا تولىق نەگىز بار.