2003 جىلى قازاقستان رەسپۋبليكاسىنىڭ تۇڭعىش پرەزيدەنتى ن.نازاربايەۆتىڭ جارلىعىمەن قۇرىلعان «اقتاۋ تەڭىز پورتى» ارنايى ەكونوميكالىق ايماعى» - ماڭعىستاۋ ءوڭىرىنىڭ الەۋمەتتىك جانە ەكونوميكالىق دامۋىنا تىڭ سەرپىن بەرۋدە.

         ارنايى ەكونوميكالىق ايماق قۇرىلعان 18 جىلدا اەا اۋماعىنداعى جوبالارعا الەمنىڭ 7 ەلىنىڭ، سونىڭ ىشىندە جۇڭگو، ۇلىبريتانيا، ازەربايجان، سينگاپۋر، تۇركيا، گەرمانيا، يران جانە جەرگىلىكتى ينۆەستورلار 244 ملرد. تەڭگە ينۆەستيسيا سالدى. وسى جىلدار ىشىندە 395 ملرد. تەڭگەگە جۋىق ءونىم ءوندىرىلدى، بۇل رەتتە وندىرىلگەن ءونىم كولەمىندەگى جەرگىلىكتى قامتۋدىڭ ۇلەسى 75%-دى قۇرايدى.

         ارنايى ەكونوميكالىق ايماق قۇرىلعان ساتتەن باستاپ قازىناعا  52،1 ملرد. تەڭگە سوماسىندا سالىق تولەمدەرى تولەندى. جاڭادان 3000-نان استام تۇراقتى جۇمىس ورنى قۇرىلدى، ونىڭ  95%-ى جەرگىلىكتى كادرلار.

         بۇگىنگى تاڭدا ەكونوميكالىق ايماقتا مۇناي ءوندىرۋ، وڭدەۋ، قۇرىلىس، كولىك جانە لوگيستيكا، تۋريزم نىساندارىن سالۋ ماقساتىندا 41 قاتىسۋشى تىركەلىپ، 19 جوبا ءساتتى ىسكە اسىرىلىپ جاتىر.