سەمەيلىكتەر كەلەر جىلدىڭ مامىر ايىنا دەيىن ساپالى، ارزان باعاداعى كوكونىسپەن تولىق قامتىلادى. ءقازىر قالا ىرگەسىندەگى «پريرەچنوە» اگروفيرماسىندا قىزۋ ناۋقان. بۇل تۋرالى "قامشى" پورتالى قازاقپاراتقا سىلتەمە جاساي وتىرىپ حابارلايدى.

شارۋاشىلىق بارلىعى 15 مىڭ توننا ءونىم جيناۋدى كوزدەپ وتىر. ونىڭ 3/1ء-ى تۇراقتاندىرۋ قورىنا جىبەرىلەدى. سۋ جاڭا نەمىستىڭ تراكتورلارى عاجاپ تەحنيكالار. جىلدام قيمىلدايدى، ءونىمدى ءوزى قازىپ الىپ، جۇك كولىكتەرىنە ۇقىپتى تيەپ بەرەدى. 

 20 جىلدىق تاجىريبەسى بار مەحانيزاتور دميتريي بورننىڭ ايتۋىنشا، بۇرىنعى تراكتورلارمەن سالىستىرعاندا ايىرماشىلىعى جەر مەن كوكتەي. كابيناسىندا سالقىنداتقىشى بار. قوزعالۋى دا وتە ىڭعايلى. جۇمىس ونىمدىلىگى دە ارتتى. «جۇمىسىڭدى ىجداھاتپەن ىستەسەڭ عانا جەمىسىن بەرەدى. ءبىزدىڭ ۇجىمدا بارلىعى ءبىر وتباسىنىڭ مۇشەلەرىندەي بولىپ كەتكەن. اۋىزبىرشىلىك مىقتى» - دەيدى ول.

 «پريرەچنوە» اگروفيرماسىنىڭ نەگىزى 1993 جىلى قۇرىلعان. 1،5 مىڭ گەكتار سۋارمالى جەرى بار. بيىل 460 گەكتارعا كارتوپ، 44 گەكتارعا پياز، 45 گەكتارعا ءسابىز، 30 گەكتارعا ورامجاپىراق، 10 گەكتارعا قىزىلشا سالىنىپتى. شارۋاشىلىقتا 200 اۋىل تۇرعىنى تۇراقتى جۇمىس ىستەيدى. ونىمدەردى توكپەي-شاشپاي جيناپ، قويمالارعا تولتىرۋ ءۇشىن ماۋسىمدىق جۇمىستارعا قوسىمشا 100 اۋىل تۇرعىنى اتسالىسۋدا. مەملەكەتتەن بولىنەتىن سۋبسيديالار كولەمى ارتىپ كەلەدى، جەڭىلدەتىلگەن باعامەن 600 توننا ديزەلدىك وتىن دا بەرىلىپتى. ەندى شارۋاشىلىق باسشىلارى جاس ماماندارعا جاعداي جاساۋدى ويلاستىرىپ وتىر. بيىل اگروفيرما مەملەكەتتىڭ كومەگىمەن جاڭادان شەتەلدىك 5 تراكتور، 3 كومباين الدى، دەپ حابارلايدى 24.kz.