2015 جىلعى قاڭتار-شىلدەدە تۇرعىن ءۇي قۇرىلىسىنا باعىتتالعان ينۆەستيسيالار كولەمى 71126،2 ملن. تەڭگەنى قۇرادى، بۇل 2014 جىلدىڭ قاڭتار-شىلدەسىنە - 115%. نەگىزگى كاپيتالعا سالىنعان ينۆەستيسيالاردىڭ جالپى كولەمىندە تۇرعىن ءۇي قۇرىلىسىندا يگەرىلگەن قاراجاتتار ۇلەسى 20،1%-دى قۇرادى. بۇل تۋرالى "قامشى" پورتالى astana.gov.kz-كە سىلتەمە جاساي وتىرىپ حابارلايدى.

بارلىق قارجىلاندىرۋ كوزدەرىنىڭ ەسەبىنەن جالپى اۋدانى 1062570 شارشى مەتر 9812 پاتەر پايدالانۋعا بەرىلدى، بۇل 2014 جىلدىڭ قاڭتار-شىلدەسىنەن 185،5%-عا جوعارى. جەكە سالۋشىلارمەن جالپى اۋدانى 30091 شارشى مەتر تۇرعىن ۇيلەر سالىنعان، بۇل 2014 جىلدىڭ قاڭتار-شىلدەسىنە - 87،4%. جالپى ىسكە قوسىلعان تۇرعىن ۇيلەردەگى جەكە تۇرعىن ءۇي قۇرىلىسىنىڭ ۇلەسى 2014 جىلعى قاڭتار-شىلدەسىنە 6،1 % قاراعاندا 2،8%-دى قۇرادى.

ەلوردادا 2015 جىلعى قاڭتار-شىلدەدە تۇرعىن ۇيلەردىڭ جالپى اۋدانىنىڭ 1 شارشى مەترىن سالۋدىڭ ورتاشا ناقتى قۇنى 114،4 مىڭ تەڭگەنى، ال پايدالى اۋدانىنىڭ 1 شارشى مەترىن سالۋدىڭ ورتاشا ناقتى قۇنى 156،5 مىڭ تەڭگەنى، ونىڭ ىشىندە جەكە سالۋشىلارمەن سالىنعانى 88،5 مىڭ تەڭگەنى قۇرادى.