بۇگىن الماتى وبلىسى ۇشتوبە قالاسىندا رەسپۋبليكاداعى سوڭعى كەڭەس وداعىنىڭ باتىرى، لەنين، «التىن جۇلدىز» مەدالدارىنىڭ يەگەرى يۆان ۆاسيليەۆيچ كوسەنكوۆتى جەرلەۋ ءراسىمى ءوتتى. ول 92 جاسىندا كوز جۇمدى. بۇل تۋرالى "قامشى" پورتالى قازينفورم.كزك-كە سىلتەمە جاساي وتىرىپ حابارلايدى.

مايدانگەر باتىردى سوڭعى ساپارعا شىعارىپ سالۋعا وبلىس اكىمى ا. باتالوۆ، ءوڭىر باسشىلىعى، قوعام قايراتكەرلەرى، سوعىس، ەڭبەك ارداگەرلەرى مەن قالالىقتار جينالدى.

يۆان ۆاسيليەۆيچ كوسەنكوۆ ۇزاق ۋاقىتتان بەرى الماتى وبلىسىنداعى جالعىز كەڭەس وداعىنىڭ باتىرى بولعان. قاراتال اۋدانى ۇشتوبە قالاسىندا تۇرعان.

باتىر 1923 جىلى تۋعان. اكەسىنەن ەرتە ايىرىلعان 16 جاستاعى جاس جىگىت كولحوزدا ەڭبەك ەتىپ، وتباسىن اسىرايدى. 1941 جىلى كەڭەس اسكەرى قاتارىنا شاقىرتىلدى.

دنەپر وزەنىن كەسىپ وتكەن كەزدەگى كورسەتكەن ەرلىگى ونىڭ داڭقىن شىعاردى. سول جولى ارتيللەريالىق ەسەپتە ەكى ادام عانا قالادى، ولار - يۆان كوسەنكوۆ پەن ونىڭ جولداسى  ميحايل گولياكوۆ. ەكەۋى ءبىر اپتا بويى سناريادپەن ءۇش تانكىنى، ماشينانى، برونەترانسپورتەردى جويىپ، جاۋمەن كەسكىلەسكەن ايقاس جۇرگىزدى. كەيىن زاپوروجەدە دە وسىنداي ايقاستا ەرلىك كورسەتتى.

1944 جىلعى 22 اقپاندا ونىڭ ديۆيزياسىنا كسرو جوعارعى كەڭەسى پرەزيديۋمىنىڭ جارلىعى وقىلدى: وعان دنەپردى كەسىپ ءوتۋ كەزىندە نەمىس-فاشيستىك باسقىنشىلارمەن  ايقاستا ەرلىك كورسەتكەنى ءۇشىن كەڭەس وداعىنىڭ باتىرى اتاعى بەرىلدى.