ەل ىشىندەگى تۇراقتىلىق پەن تۇرعىنداردىڭ قاۋىپسىزدىگىن ساقتاۋدا قۇقىق قورعاۋ سالاسىنداعى قىزمەتكەرلەردىڭ ەڭبەگى ەرەن. بۇل تۋرالى "قامشى" پورتالى ايقىن-اقپاراتقا سىلتەمە جاساي وتىرىپ حابارلايدى.

 ويتكەنى  ولار قوعامدىق ءتارتىپتى قىراعىلىقپەن ساقتاپ، ەل تىنىشتىعىن ۇلكەن جاۋاپكەرشىلىكپەن كۇزەتەدى. ءبىزدىڭ بۇگىنگى اڭگىمەمىزگە ارقاۋ بولار ازامات ق ر باس پروكۋراتۋراسى قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ ماڭعىستاۋ وبلىسى بويىنشا باسقارماسىنىڭ ارنايى ەسەپكە الۋ ءبولىمىنىڭ اعا پروكۋرورى ءانۋار قاسىموۆ بولماق.

ءانۋار قاسىموۆ 1986 جىلدىڭ قاڭتا­رىن­دا قاراپايىم وتباسىندا دۇنيەگە كەل­گەن. نۇرلىبەك پەن كاريمانىڭ شاڭى­را­عىن­دا ءانۋاردان بولەك اسقار، جاينا وسىپ-جەتىلگەن. كەيىپكەرىمىز جەتى جاسىنان باس­تاپ سپورتپەن اينالىسىپ، تالاي دو­دا­لاردا ەل نامىسىن ابىرويمەن قورعاعان. جال­پى، قاسىموۆتار اۋلەتىنەن كەڭەس ودا­عى كەزىندە سامبودان سپورت شەبەرى، گيم­ناس­تيكادان سپورت شەبەرىنىڭ كانديداتتارى شىق­قان. وسىنداي ورتادا تاربيەلەنگەن ءان­ۋار دا سپورتتان الىس كەتە الماپتى.– مەنى جەتى جاسىمنان اكەم سپورتقا جە­تە­لەپ اپاردى. ەڭ العاش رەت دزيۋدودان تاش­كەنت قالاسىندا وتكەن جارىستا 7 اداممەن كۇرەستىم. قارسىلاستارىمنىڭ بارلىعى الەم چەمپيوناتىندا، ءدۇبىرلى دودالارعا قاتىسىپ، تاجىريبە جيناقتاعان دزيۋدوشىلار بولاتىن. ول كەزدە ورىنداردى وليمپيادالىق جۇيە ارقىلى تاعايىن­داي­تىن. ءۇشىنشى ورىنعا ۇتىلىپ قالدىم. ءدۇي­سەنبى كۇنى زالعا جاتتىعۋعا كەلسەم، باپكەرىم ءوز قولىنان گراموتا جاساپ، «جەڭىسكە دەگەن ۇمتىلىسى» ءۇشىن دەپ مەنى ماراپاتتادى. ەڭ العاشقى گرا­مو­تام مەنى تالاي شىڭداردى باعىندىرىپ، بيىك­كە جەتۋىمە قانات­تان­دىردى، – دەيدى ءا.قا­سىموۆ.     
كەيىپكەرىمىز 2000 جىلى شىمكەنتتەگى بەكزات ساتتارحانوۆ اتىنداعى دارىندى با­لالارعا ارنالعان سپورت مەكتەپ-ين­تەر­ناتىنا قابىلدانىپ، ءبىلىمىن جەتىلدىرگەن. نە­ءبارى، 15 جاسىندا دزيۋدودان سپورت شەبەرى اتا­نىپ، ق ر ۇلتتىق قۇراماسىنا قابىل­دان­عان. سول جىلى تارازدا، الماتىدا، پاۆ­لو­داردا، تۇركيادا وتكەن رەسپۋبليكالىق، حا­لىقارالىق جارىستاردا 1 ورىنداردى ي­ە­لەنگەن. 2004 جىلى كاتاردا دزيۋدودان جاس­تار اراسىندا وتكەن ازيا چەمپيو­ناتىن­دا جانە رەسەيدە وتكەن حالىقارالىق جارىستا قولانى، 2005 جىلى ۋكراينادا وتكەن حالىقارالىق تۋرنيردە كۇمىستى، ءدال وسى جىلى رەسەيدە وتكەن ازيا كۋبوگىندە قولانى ەنشىلەگەن. سونداي-اق 2005 جىلى قىتايدىڭ تايپەي قالاسىندا دزيۋدودان جاسوسپىرىمدەر اراسىندا وتكەن ازيا چەمپيوناتىندا التىننان القا تاعىپ، تاۋەلسىز ەلدىڭ تاريحىندا العاش رەت دزيۋ­دو­دان چەمپيون اتانىپ، حالقىنىڭ شەك­ءسىز ىقىلاسىنا بولەنگەن. سول جىلى رە­سەيدە تمد ەلدەرى اراسىندا وتكەن جا­رىس­تا جانە شىمكەنتتە جاستار اراسىندا ءوت­كەن ق ر بىرىنشىلىگىندە دە چەمپيون اتان­عان. 2006-2007 جىلدارى شۆەسيادا، باكۋدە ءوت­كەن حالىقارالىق جارىستارعا قاتىسىپ، تاجىريبە جيناقتاعان. 2010 جىلى قوستاناي قا­لاسىندا سامبودان ق ر قۇقىق قورعاۋ ور­گان­دارى مەن كۇش قۇرىلىمدارى اراسىندا ءوت­كەن ەل بىرىنشىلىگىندە جانە 2011 جىلى تا­رازدا سامبودان قۇقىق قورعاۋ ورگاندارى ارا­سىندا وتكەن قر-نىڭ چەمپيوناتىندا كۇ­ءمىستى يەلەنگەن. 
–  مەن سپورتتىڭ ارقاسىندا الەمنىڭ ءبىر­نەشە مەملەكەتتەرىندە بولىپ، ءار ەلدىڭ تا­ريحىمەن، سالت-داستۇرىمەن جاقىن تا­نىس­ت­ىم. تاۋەلسىز ەلىمنىڭ بەدەلىن الەمدىك جا­رىس­تاردا اسقاقتاتىپ، ءانۇرانىن اۋەلەتتىم. اتا-انا ءۇمىتىن اقتاپ، باپكەرلەرىمنىڭ سە­ءنى­مىنەن شىعۋعا تالاپتاندىم. مەنىڭ سپورتتا جەتىستىككە جەتۋىمە اتسالىسقان، ماعان دۇ­رىس باعىت-باعدار بەرگەن باپكەرلەرىم سەر­گەي راكوۆ، باقتيار قاسىموۆ، ۆلاديمير كيچاتوۆقا ايتار العىسىم شەكسىز، – دەيدى ءا.قاسىموۆ.
2004 جىلى ە.ا.بۋكەتوۆ اتىنداعى قا­را­عاندى مەملەكەتتىك ۋنيۆەرسيتەتىنە قۇجات تاپسىرىپ، ءبىلىم الادى. وقۋ ورنىندا دا بەل­سەندىلىگىمەن كوزگە ءتۇسىپ، قاتارلاس­تارى­نىڭ الدى بولىپ، تالاي جارىستا قارسىلاس شىداتپاي، جەڭىمپاز اتانادى. جوعارى وقۋ ورنىن «دەنە شىنىقتىرۋ جانە سپورت» ما­ماندىعى بويىنشا ءتامامدايدى. 2008 جى­لى قازتۇتىنۋوداعى قاراعاندى ەكو­نو­مي­كالىق ۋنيۆەرسيتەتىن «بيزنەس جانە قۇقىق» فا­كۋلتەتى بويىنشا ءتامامداپ، قۇقىقتانۋ ماماندىعىن الىپ شىعادى. ەڭبەكقور جان 2008-2009 جىلدارى قاراعاندى وبلىستىق ىشكى ىستەر دەپارتامەنتىنە قاراستى جەدەل ارەكەت ەتۋ ارنايى بولىمىندە (سوبر) ابى­روي­لى قىزمەت ەتىپ، لەيتەنانت شەنىنە دەيىن ك­وتەرىلەدى. قىزمەتىنىڭ قىر-سىرىن جاقسى مەڭ­گەرگەن مامان كەيىن «ارلان» ارنايى جا­ساعىنا اۋىسادى. بويىندا بىلىمگە دەگەن قۇشتارلىعى مەن جوعارى وقۋ ورنىندا ويعا تۇيگەندەرىن جۇمىس بارىسىندا دا شەبەر قول­دانا بىلگەن ول اقتاۋ قالاسىنا ارنايى شاقىرتۋ الادى. وسىلايشا، 2010 جىلى ق ر باس پروكۋراتۋراسى قۇقىقتىق ستاتيستيكا ءجا­نە ارنايى ەسەپكە الۋ جونىندەگى كو­مي­تەتىنىڭ ماڭعىستاۋ وبلىسى بويىنشا باس­قارماسىنىڭ ارنايى ەسەپكە الۋ بولىمىندە باس مامان بولىپ قىزمەتكە قابىلدانادى. 2012 جىلدىڭ ساۋىرىنەن باستاپ، وسى ءبولىم­ءنىڭ اعا پروكۋرورى قىزمەتىنە تاعايىن­دا­لادى. ونىڭ زاڭ سالاسىنداعى قىزمەتىندەگى كا­ءسىبي بىلىكتىلىگى جوعارى باعالانىپ، قر-نىڭ باس پروكۋراتۋراسى قۇقىقتىق ستاتيس­تيكا ءجا­نە ارنايى ەسەپكە الۋ جونىندەگى كو­مي­تە­ءتىنىڭ ءتوراعاسى س.ايتبايەۆانىڭ ار­نايى ال­عىسحاتىمەن ماراپاتتالعان. 
– قازىرگى تاڭدا قاراماعىمدا 3 مامان جۇ­مىس ىستەيدى. وبلىستاعى مەملەكەتتىك ور­گاندارعا جۇرگىزىلەتىن جوسپارلى نەمەسە جوس­پارسىز تەكسەرۋلەردىڭ دۇرىس جۇرگىزىلۋى ءبىز ارقىلى تىركەلىپ، ەسەپكە الىنادى. ءبىز وسى جۇمىستاردىڭ زاڭدىلىعىنىڭ دۇرىس ورىن­دالۋىن قاداعالايمىز. مۇمكىندىگىنشە، ءوزىمنىڭ ماماندىعىما قاتىستى وتكىزىلەتىن ءبى­لىك­تىلىك ارتتىرۋ كۋرستارىنا بەلسەندى ءتۇر­دە قاتىسىپ، ءبىلىمىمدى شىڭداپ وتىرا­مىن. ۇنەمى ىزدەنىس ۇستىندە جۇرگەن مامان عا­نا بيىك بەلەستەردى باعىندىرا الادى دەپ ەسەپ­تەيمىن. سوندىقتان دا وزىمە قاتاڭ تا­لاپ قويىپ، وقىپ، ىزدەنۋدەن جالىقپايمىن، – دەيدى ءا.قاسىموۆ. 
كەيىپكەرىمىز بوس ۋاقىتىندا سپورتپەن اي­نالىسىپ، فۋتبول ويناپ، كوركەم ادەبي شىعارمالاردى وقىعاندى ۇناتادى. ودان بولەك قالاداعى سپورت مەكتەپتەرىنە بارىپ، بولاشاق چەمپيوندارعا سپورتقا قاتىستى كە­لەلى كەڭەستەرىن ايتىپ، تاجىريبەسىمەن ءبو­لىسەدى. 
– مەن سپورتپەن اينالىسىپ، تالاي جەتىس­تىك­تەرگە قول جەتكىزسەم دە، باپكەرلىككە تولىقتاي بەت بۇرا المادىم. قۇقىق قورعاۋ سال­اسىندا ەڭبەك ەتىپ، وسى سالانىڭ دامۋى­نا ۇلەس قوسقاندى ءجون سانادىم. ەندى ءقازىر­گى ەڭبەك ەتىپ جۇرگەن قىزمەتىمدى جەتىلدىرۋ ءۇشىن تالاپتاناتىن بولامىن. اكەمىز بالا­لارىن: «وتىرىك ايتپاڭدار، ءادىل بولىڭدار، العا قويعان ماقساتتارىڭا جەتۋ ءۇشىن ەڭبەك ەتىڭدەر. ماماندىقتارىڭا ادال بولىڭدار» دەپ تاربيەلەدى. اكەمىزدىڭ وسى وسيەتى ءار­دايىم جادىمدا. سوندىقتان ادام قاي سا­لادا ەڭبەك ەتسە دە، سول سالانىڭ العا باسۋى ءۇشىن تالاپتانۋى كەرەك، – دەيدى  ءا.قاسىموۆ. 
بۇگىندە ءانۋار – ءبىر اۋلەتتىڭ وتاعاسى. 2012 جىلى ومىرلىك سەرىگى مادينامەن شا­ڭى­راق كوتەردى. وتباسىندا اسىل جار، قىز­مەتتەستەرى اراسىندا بەدەلدى، ىنىگە قامقور، اعا­عا ىزەتتى ۇل ۇيادا كورگەن ونەگەسىمەن ءوز­گە­لەرگە ۇلگى بولۋدا. ارىپتەستەرى دە ونى ءسوز­دەن گورى ءىستىڭ ادامى رەتىندە باعالايدى. ادامي قاسيەتىنەن، جىگىتتىك نامىسىنان اي­­نىمايتىن ءانۋار قانداي جاعدايدا دا ءوز­­گەلەرگە ونەگە بولار ادامگەرشىلىكتى جو­عارى ۇس­تايدى.