الماتى قالاسى اكىمدىگى قورشاعان ورتا قاۋىپسىزدىگى مەن سالاۋاتتى ءومىر سالتىن قالىپتاستىراتىن بىرنەشە جوبانى جۇزەگە اسىرۋعا مۇمكىندىك بەرەتىن كەلىسىمگە كەلدى. اكىمدىك «استانا بانكى» جانە «اۆتوگاز ترەيدپەن» مەموراندۋمعا قول قويدى. كەلىسىمشارت ناتيجەسىندە «استانا بانكى» 50-گە جۋىق سپورتزال سالادى. ال، «اۆتوگاز ترەيد» بولسا، اۆتوكولىكتەرگە ارنالعان كوگىلدىر وتىن قۇياتىن 20 بەكەت سالۋدى جوسپارلاپ وتىر. بۇدان بولەك، تۇركسىب اۋدانىندا كوپسالالى سپورت كەشەنى دە بوي كوتەرمەك. بۇل تۋرالى قامشى پورتالى  Baq.kz -كە سىلتەمە جاساي وتىرىپ حابارلايدى.

الماتى - ەلىمىزدەگى ءىرى قارجى ورتالىعى. سوندىقتان قالاداعى كاسىپكەرلەردىڭ الەۋمەتتىك الەۋەتىن ارتتىرۋ كەزەك كۇتتىرمەيتىن ماسەلە. الماتى قالاسىنىڭ اكىمى باۋىرجان بايبەك كاسىپكەرلەردىڭ بۇگىنى مەن ەرتەڭىن ەكشەدى. «استانا بانكى»، «اۆتوگاز ترەيد» كومپانيالارىمەن كەلىسىمشارتقا قول قويىلدى.

«الماتىلىقتارمەن كەزدەسكەن كەزدە ولاردا ءوز ريزاشىلىعىن ءبىزدىڭ كاسىپكەرلەرىمىزگە بىلدىرۋدە. سوندىقتان دا بۇگىندە ءبىرقاتار ءبىزدىڭ كاسىپكەرلەرىمىز ءوزىنىڭ ۇسىنىسىن اكيماتقا ءبىلدىرىپ، بىرنەشە كەلىسىمشارتتارعا قول قوياتىن بولامىز»،- دەدى الماتى قالاسىنىڭ اكىمى باۋىرجان بايبەك.

كەلىسىمشارت ناتيجەسىندە «اۆتوگاز ترەيد» قالاداعى كولىكتەرگە ارنالعان كوگىلدىر وتىن قۇيۋ بەكەتتەرىن سالادى. سونىمەن قاتار، تۇركسىب اۋدانىندا كوپسالالى سپورت كەشەنى بوي كوتەرمەك. بۇل سالاۋاتتى ءومىر سالتىن قالىپتاستىرۋ ماقساتىندا جاسالىپ وتىرعان جوبا،- دەيدى اكىمدىكتەگىلەر. «استانا بانكى» دە قىزمەتتەن قالىس قالمادى. قالا اۋماعى بويىنشا 50 الەۋمەتتىك سپورت الاڭقايىن سالماق.

«سپورت الاڭقايلارىن سالۋدى جوسپارلاپ وتىرمىز. بۇدان بولەك، «كوۆوركينگ» جوباسى بار. بۇل جۇمىسىن ەندى باستاعان كاسىپكەرلەرگە پايدا تابۋعا جاقسى مۇمكىندىك بەرمەك»،- دەدى بانكتىڭ باسقارما ءتوراعاسى ەسكەندىر مايلىبايەۆ.

سونىمەن قاتار، ينۆەستيسيالىق باعدارلاما اياسىندى فين تەحنولوگياسى بويىنشا قۇرىلىس كومبيناتى سالىنادى. بۇل جىلىنا 200 مىڭ شارشى مەتر تۇرعىن ءۇي سالۋعا مۇمكىندىك بەرەدى. جوبا وندىرىستىك ايماقتا تۇرعىزىلادى.

وندىرىستىك ايماق - الماتى ەكونوميكاسىنىڭ ءوسۋىنىڭ ماڭىزدى بولىگى. يندۋستريالىق ايماقتا 80-گە جۋىق كاسىپورىندار بار. وسى اۋماقتا قىزمەتىن باستايتىن جوبالار زاماناۋي يننوۆاسيالىق نەگىزدە ونەركاسىپ ءوندىرىسىن دامىتىپ، حالىقتى قولجەتىمدى باسپانامەن قامتاماسىز ەتۋگە سەرپىلىس بەرمەك.