الماتى №5 قالالىق كلينيكالىق اۋرۋحانا مەن سانكت-پەتەربوردىڭ لور عىلىمي-زەرتتەۋ ينستيتۋتى ەستۋ مۇمكىندىگى شەكتەۋلى بالالاردىڭ كوحلەارلى يمپلانتاسياسى بويىنشا تاجىريبە الماسپاق. بۇل تۋرالى قامشى پورتالى ايقىن-اقپارتقا سىلتەمە جاساي وتىرىپ حابارلايدى.

ول ءۇشىن سانكت-پەتەربوردىڭ لور عىلىمي-زەرتتەۋ ينستيتۋتىنىڭ جەتەكشى مامانى، اۋديولوگ ۆ.پۋدوۆ كەلىپ وتىر. سۋردوفونياتريالىق ورتالىق بازاسىندا ءۇش كۇن بويى شەبەرلىك سىنىبى وتپەك. سول ۋاقىت ىشىندە ەلىمىزدىڭ ءار تۇكپىرىندەگى 50-دەن ارتىق بالا تەگىن مەديسينالىق كومەك الادى. 

ەلىمىزدە 2007 جىلدان بەرى كوحلەارلى يمپلانتاسياعا مەملەكەت اقشا ءبولىپ كە­لەدى. بۇگىنگى تاڭدا، ياعني 2007-2015 جىل­دار ارالىعىندا 1100 بالاعا وپەراسيا جا­سالعان. دارىگەر بولات سادىقوۆ قازاق­ستان ورتا ازيادا كوحلەارلى يمپلانتا­سياعا اقشا ءبولىپ وتىرعان جالعىز ەل ەكەنىن ايتادى. «ەلباسىنىڭ ارقاسىندا ءبىزدىڭ بالالارىمىزعا مەديسينالىق كو­مەك كورسەتۋگە قاراجات ءبولىنىپ وتىر. ءبۇ­گىندە مەديسينادا جاڭا تەحنيكالاردىڭ شىققانىن بىلەسىزدەر. ماسەلەن، كوحلەار­لى يمپلانت – وتە قىمبات اپپارات. وسى وراي­دا كوحلەارلى يمپلانتاسيا جۇيەسىنىڭ ءسوي­لەۋ پرو­سەسسورىن اۋىستىرۋ ءۇشىن ۇكىمەت 1 ملن 150 مىڭ تەڭگە ءبولدى» دەيدى بولات سادىقوۆ. 
كوحلەارلى يمپلانت وپەراسيا ارقىلى ىشكى قۇلاققا ەنگىزىلەدى. اپپارات قوسىلعاننان كەيىن، بالا ەستي باستايدى. ءقازىر №5 قالالىق كلينيكا­لىق اۋرۋحانادا وسىنداي وپەراسيانى، سويلەۋ پروسەسسورىن اۋىستىرۋدى كۇتكەن 60-قا جۋىق ادام كەزەكتە تۇر. وپەراسيا جاساۋعا ىرىكتەۋ كە­زىندە ءبىرىنشى ەرەسەكتەر اراسىندا كوبىنە جارا­قات العان، ياعني وعان دەيىن سويلەپ كەلگەن جان­دار الىنادى، بالالار اراسىندا 3 جاسقا دەيىنگى با­لالار ءبىرىنشى كەزەكتە ىرىكتەپ الىنادى. 
– كوحلەارلى يمپلانتاسيا – كەشەندى پروب­لەما، ياعني مەديسينالىقپەن قاتار، پەداگوگي­كالىق، پسيحولوگيالىق، الەۋمەتتىك پروبلەما. ءبىز بۇل جۇمىسپەن 18 جىلدان بەرى جۇمىس ىستەپ كەلەمىز. ينستيتۋتىمىزدىڭ قازىرگى تاڭداعى نەگىزگى جۇمىسى – كوحلەارلى يمپلانتاسيا بو­يىن­شا جوعارى تەحنولوگيالىق مەديسينالىق كومەك كورسەتۋ. مەن دە كوحلەارلى يمپلانتتى تەگىن الۋىنا مۇمكىندىك جاساپ وتىرعان مەملە­كەتتەرگە ريزاشىلىعىمدى بىلدىرەمىن، – دەيدى اۋدولوگ ۆ. پۋدوۆ . 
23-26 قىركۇيەك ارالىعىندا كورشى ەلدەن كەلگەن مامان ەلىمىزدەگى پاسيەنتتەردىڭ اتا-انا­لارىنا كوحلەارلى يمپلانتاسيادان كەيىن با­لالاردى وڭالتۋ بويىنشا تەگىن كەڭەس بەرىپ، سەمينار-ترەنينگ وتكىزبەك.