استانادا ونىنشى سىنىپتا وقيتىن تەمىرلان ءنابي اتتى وقۋشى جاساندا بال جاساپ شىعاردى. ونىڭ قۇرامى تابيعي  بالدان كەم تۇسپەيدى دەپ حابارلايدى 24 كز.

بال - سۋىق ءتيىپ، اۋىرىپ قالعاندا ەم بولادى. سەبەبى، ونىڭ قۇرامىنا: سۋ، قانت، ليمون قىشقىلى جانە ازداعان ەفير مايى كىرەدى. «مەن جاساپ شىعارعان زاتتىڭ قۇرامىندا زيزيفورا بار. ول اۋىرعاندا كومەكتەسەدى» دەيدى  جوعارى سىنىپ وقۋشىسى. مۇنداي زاتتى جاساۋ ءۇشىن  جاس حيميك ءبىر جىلدان استام ۋاقىت جۇمساعان ەكەن. رەسپۋبليكالىق كوميسسيا بالدى ەڭ كەرەمەت جۇمىس دەپ باعالادى. «ارينە تابيعي بالعا جەتە قويماس، دەگەنمەن، مۇنداي بالدى اللەرگياسى  بار ادامدار پايدالانسا بولادى» دەدى ءوز كەزەگىندە گۋميليەۆ  اتىنداعى ەۋرازيا ۇلتتىق ۋنيۆەرسيتەتىنىڭ  قولدانبالى  حيميا سالاسىنىڭ  ديرەكتورى ەرلان سۇلەيمەن.