قازاقستاندا جالپىۇلتتىق يننوۆاسيالار بايقاۋى باستالدى. بۇل تۋرالى بۇگىن ورتالىق كوممۋنيكاسيالار قىزمەتىندەگى باسپا ءسوز قىزمەتىندە ءمالىم بولدى. بۇل تۋرالى قامشى پورتالى قازاقپاراتقا سىلتەمە جاساي وتىرىپ حابارلايدى.

اتاپ ايتقاندا، ينۆەستيسيالار جانە دامۋ مينيسترلىگى بايقاۋدى بەس اتالىم بويىنشا وتكىزۋ شەشىمىن قابىلدادى. بۇگىننەن باستالعان وسى بايقاۋ «وقۋشىلار اراسىنداعى ۇزدىك جوبا»، «ۇزدىك جاس عالىم»، «جىلدىڭ ۇزدىك ونەرتاپقىشتىق شەشىمى»، «كاسىپورىندا ونەرتاپقىشتىقتى قولداۋدىڭ ۇزدىك جۇيەسى»، «يننوۆاسيالىق تاقىرىپتاعى ۇزدىك ءتىلشى ماتەريالى» اتالىمدارى اياسىندا ۇيىمداستىرىلادى.

«تەحنولوگيالىق دامۋ جونىندەگى ۇلتتىق اگەنتتىك» اق باسقارماسى ءتوراعاسىنىڭ ورىنباسارى جۇماتاي ءسالىموۆتىڭ سوزىنە قاراعاندا، قازاقستانداعى بريتاندىق كەڭەسپەن بىرگە بالالاردىڭ ۇزدىك يننوۆاسيالىق جوبالارى ىرىكتەلىنەدى. سونىمەن قاتار اتالعان كەڭەستىڭ قولداۋىمەن  لوندونداعى FameLab بايقاۋىنىڭ گراند فينالىندا ەلىمىزدىڭ نامىسىن قورعايتىن ۇزدىك جاس عالىم انىقتالادى.

سونىمەن، «وقۋشىلار اراسىنداعى ۇزدىك جوبا» اتالىمىنا ورتا مەكتەپتەردىڭ 5-11 سىنىپ وقۋشىلارى مەن كوللەدجدەردىڭ 1 جانە 2 كۋرس ستۋدەنتتەرى قاتىسا الادى. وتىنىمدەردى قابىلداۋ 22 قاراشاعا دەيىن جالعاسادى، ال بايقاۋدىڭ اقتىق سىنى استانادا 11 جەلتوقساندا وتكىزىلەدى. جەڭىمپازدار مەن جۇلدەگەرلەر ۇلىبريتانياعا بىلىمدەرىن جەتىلدىرۋ ساپارىمەن بارادى.

«ۇزدىك جاس عالىم» اتالىمىندا جەڭىمپاز دەپ تانىلعان 7 500 000 تەڭگەنى قۇرايتىن باس جۇلدەنى الاتىن بولادى، سونداي-اق  2ء-شى مەن 3ء-شى ورىندى يەلەنگەندەرگە، سايكەسىنشە، 2 500 000 جانە 1 500 000 تەڭگە تاپسىرالادى. مۇنىمەن قوسا جۇلدە قورىنا ۇلىبريتانياعا بارۋ ءۇشىن ۆيزالىق قولداۋ كورسەتۋ ءۇشىن جانە ۇشىپ بارۋ جولاقىسى كىرەدى. بايقاۋدىڭ فينالى ەلوردادا 11 قاراشادا وتەدى.

بۇدان بولەك، «جىلدىڭ ۇزدىك ونەرتاپقىشتىق شەشىمى» اتىلىمىندا ءبىرىنشى ورىنعا - 2 500 000 تەڭگە، ەكىنشى ورىنعا - 1 500 000 تەڭگە، ال ءۇشىنشى ورىنعا - 1 000 000 تەڭگە كولەمىندە جۇلدە قورى قاراستىرىلعان.

ب ا ق وكىلدەرى اراسىندا يننوۆاسيا تاقىرىبىنداعى ۇزدىك ماتەريالدار «مەرزىمدىك باسىلىمداعى ۇزدىك ماتەريال»، «ۇزدىك راديوباعدارلاما»، «ۇزدىك تەليەۆيزيالىق سيۋجەت»، «ۇزدىك ينتەرنەت-ماتەريال/ۇزدىك بلوگەر» اتالىمدارى اياسىندا ىرىكتەلىنەدى. قاتىسۋعا وتىنىمدەر قابىلداۋ 25 قازانعا دەيىن جالعاسادى. باس جۇلدەنى يەلەنگەن جۋرناليستكە 1 ملن. تەڭگە تاپسىرىلادى.

قاتىسۋشىلاردىڭ وتىنىمدەرى «تدۇا» اق-نىڭ (natd.gov.kz) رەسمي سايتىنا  ونلاين قابىلدانادى.