نۇرسۇلتان نازاربايەۆ كۇن تارتىبىندەگى مەيلىنشە وزەكتى حالىقارالىق ماسەلەلەر بويىنشا قازاقستاننىڭ ۇستانىمىن جانە ولاردى شەشۋ جولدارىن باياندادى. بۇل تۋرالى قامشى پورتالى akorda.kz-كە سىلتەمە جاساپ، حابارلايدى.

ەلباسى حXI عاسىردا ادامزاتتىڭ ەڭ باستى مىندەتى الەمدى سوعىس قاتەرىنەن مۇلدە ارىلتاتىن جانە ونىڭ سەبەپتەرىن جوياتىن ستراتەگيانى جۇزەگە اسىرۋ بولۋعا ءتيىس ەكەنىنە نازار اۋداردى. سول ءۇشىن قازاقستان پرەزيدەنتى بىرىككەن ۇلتتار ۇيىمىنىڭ ءجۇز جىلدىعىنا جاھاندىق ستراتەگيالىق باستاما – 2045 جوسپارىن ازىرلەۋدى ۇسىندى.

سونىمەن قاتار، ءسوز سويلەۋ بارىسىندا  بىرىككەن ۇلتتار ۇيىمىنىڭ يادرولىق قارۋدان ازات الەمگە قول جەتكىزۋ تۋرالى جالپىعا ورتاق دەكلاراسياسىن قابىلداۋ  جونىندە باستاما جاسالدى.

سونداي-اق نۇرسۇلتان نازاربايەۆ حالىقارالىق قۇقىق قاعيداتتارىن جاھاندىق ساياساتتىڭ بارلىق قاتىسۋشىلارى ساقتاۋى ماڭىزدى ەكەنىن اتاپ كورسەتتى جانە 2016 جىلى بىرىككەن ۇلتتار ۇيىمىنىڭ حالىقارالىق قۇقىقتىڭ ارقاۋلىق قاعيداتتارىن بەكىتۋگە ارنالعان جوعارى دەڭگەيدەگى حالىقارالىق كونفەرەنسياسىن شاقىرۋ يدەياسىن جاريالادى.

سوڭىندا قازاقستان پرەزيدەنتى تەرروريزمگە جانە ەكسترەميزمگە قارسى ءىس-قيمىل جاساۋ، جاسىل تەحنولوگيالاردى دامىتۋ، سونداي-اق بۇۇ شتاب-پاتەرىن ازياعا كوشىرۋ ماسەلەلەرىنە توقتالدى.